హరి హరి జగమెఱుంగ నీ వాతుమలోనే వున్నాఁడవు
(॥పల్లవి॥)
హరి హరి జగమెఱుంగ నీ వాతుమలోనే వున్నాఁడవు
సురలఁ గాచుటయు నసురల నడఁచుట చొప్పడియున్నది నీగురుతు
(॥హరి॥)
వేదార్థము దప్పందెలిసిన విద్వాంసునివంటిది
పాదుగఁ జదువక తర్కించఁబోవు పాండిత్యమువంటిది
మేదిని నడవులఁ దెరువుదప్పి మరి మెలఁగేటి తెరువరివంటిది
ఆదిమూర్తి నీశరణుచొచ్చి నిను నారాధించనివాని బదుకు
(॥హరి॥)
వట్టిజోలితో నూరక దేవరలేని పూజవంటిది
వొట్టుక ఫలములులేని పంటలకు వొడిగట్టేయటువంటిది
నెట్టనఁ గర్ణదారుండులేని జలనిధినడిమియోడవంటిది
బట్టబయటనే పరమేశ్వర నీపై భక్తిలేనివాని బదుకు
(॥హరి॥)
పొందుగ ధర్మముబోధించెడి సత్పురుషులులేని సభవంటిది
చెంది శ్రీవేంకటేశ్వర నీమహిమలు చెప్పని కథవంటిది
సందడి నన్నియుఁ జేసి దక్షిణలు చాలని యజ్ఞము వంటిది
యిందిరారమణ నీవెక్కుడనుచు నిన్నిటఁ దెలియనివాని బదుకు
(||pallavi||)
hari hari jagamĕṟuṁga nī vādumalone vunnām̐ḍavu
suralam̐ gāsuḍayu nasurala naḍam̐suḍa sŏppaḍiyunnadi nīgurudu
(||hari||)
vedārdhamu dappaṁdĕlisina vidvāṁsunivaṁṭidi
pādugam̐ jaduvaga targiṁcham̐bovu pāṁḍityamuvaṁṭidi
medini naḍavulam̐ dĕruvudappi mari mĕlam̐geḍi tĕruvarivaṁṭidi
ādimūrdi nīśharaṇusŏchchi ninu nārādhiṁchanivāni badugu
(||hari||)
vaṭṭijolido nūraga devaraleni pūjavaṁṭidi
vŏṭṭuga phalamululeni paṁṭalagu vŏḍigaṭṭeyaḍuvaṁṭidi
nĕṭṭanam̐ garṇadāruṁḍuleni jalanidhinaḍimiyoḍavaṁṭidi
baṭṭabayaḍane parameśhvara nībai bhaktilenivāni badugu
(||hari||)
pŏṁduga dharmamubodhiṁchĕḍi satpuruṣhululeni sabhavaṁṭidi
sĕṁdi śhrīveṁkaḍeśhvara nīmahimalu sĕppani kathavaṁṭidi
saṁdaḍi nanniyum̐ jesi dakṣhiṇalu sālani yajñamu vaṁṭidi
yiṁdirāramaṇa nīvĕkkuḍanusu ninniḍam̐ dĕliyanivāni badugu