హరి దగ్గరనే వున్నాఁ డందాఁకాఁ బారనీదు
(॥పల్లవి॥)
హరి దగ్గరనే వున్నాఁ డందాఁకాఁ బారనీదు
కురచలోనే మగుడు గోవిందు మాయ
(॥హరి॥)
చెనకి పంచేంద్రియపు చెరువు లైదింటికి
మనసనెడి దొకటి మహా ప్రవాహము
దినముఁ బారుచునుండు దిగువకు వెళ్లలేదు
తనలోనే తానిగురు దైవమాయ
(॥హరి॥)
తూలని పంచభూతాల తోఁట లైదింటికి
కాలమనియెడి దొక్కకాలువ వారుచునుండు
నేలాఁ దడియదు నీరూఁ దివియదు
తోలుఁదిత్తికే కొలఁది దొరకొన్న మాయ
(॥హరి॥)
ముట్టి పంచప్రాణముల మొలక లైదింటికి
పుట్టుగులనియేటి యేరు పొదలి పారుచునుండు
చెట్టుచెట్టుకే కొలఁది శ్రీవేంకటేశ్వరుఁడు
నట్టనడుమ నున్నాఁడు నాననీదు మాయ
(||pallavi||)
hari daggarane vunnām̐ ḍaṁdām̐kām̐ bāranīdu
kurasalone maguḍu goviṁdu māya
(||hari||)
sĕnagi paṁcheṁdriyabu sĕruvu laidiṁṭigi
manasanĕḍi dŏgaḍi mahā pravāhamu
dinamum̐ bārusunuṁḍu diguvagu vĕḽlaledu
tanalone tāniguru daivamāya
(||hari||)
tūlani paṁchabhūdāla tom̐ṭa laidiṁṭigi
kālamaniyĕḍi dŏkkagāluva vārusunuṁḍu
nelām̐ daḍiyadu nīrūm̐ diviyadu
tolum̐dittige kŏlam̐di dŏragŏnna māya
(||hari||)
muṭṭi paṁchaprāṇamula mŏlaga laidiṁṭigi
puṭṭugulaniyeḍi yeru pŏdali pārusunuṁḍu
sĕṭṭusĕṭṭuge kŏlam̐di śhrīveṁkaḍeśhvarum̐ḍu
naṭṭanaḍuma nunnām̐ḍu nānanīdu māya