ai dil hameṅ itnā batā
marte haiṅ ham jinke liye
kaise chale unko patā
ai dil hameṅ itnā batā
dil hī agar ek dad.ra ho
to kyā kareṅ dil kī davā
ai dil hameṅ itnā batā …
jinheṅ hamne nīṅdoṅ meṅ khvāboṅ meṅ pālā
vo āṇkhoṅ kī ṭhaṇḍak vo dil kā ujālā
haiṅ betāb ham bhī ye vo mānte haiṅ
magar voh iśhāroṅ ko kam jānte haiṅ
zamāne kī nazroṅ se hamne bahchā ke
unheṅ dhaṛaknoṅ meṅ rakhā hai chhupā ke
vo chehrā koī āinā bhī na dekhe
koī aur to kyā khudā bhī na dekhe
māṇgī hai ye dil ne duā
marte haiṅ ham jinke liye
kaise chale unko patā
dil hi agar ek dad.ra ho …
ye dil jinkī chāhat meṅ pāgal banā hai
unheṅ kyā khabar hai hameṅ kyā huā hai
unheṅ kyā patā kyā hai hālat hamārī
taṛaptī hai kaise mohabbat hamārī
ye dil keh rah hai dhaṛakte dhaṛakte
vo āyeṅge ek din taṛapte taṛapte
hamāre haiṅ vo unko pā ke raheṅge
agar mil na pāye to ham chhīn leṅge
ham kuchh nahīṅ unke binā
marte haiṅ ham jinke liye
kaise chale unko patā
dil hī agar ek dad.ra ho
to kyā kareṅ dil kī davā
ai dil hameṅ itnā batā …
