(॥పల్లవి॥)
గుట్టువాఁడ వంటాఁ గొసరితి
యిట్టి నీ వంటేది యెఱఁగముగా
(॥గుట్టు॥)
చెక్కుచేతితో సెలవి నవ్వితే
తొక్కేవు పాదాలు దోమటిగా
అక్కర నీ వింత ఆసకాఁడ వవుత
యిక్కడ మాలోనె యెఱఁగముగా
(॥గుట్టు॥)
మంతనాన నీతో మాటలాడితే
సంతసానఁ గొంగు జారించేవు
బంతినె నీ వింత పంతగాఁడ వౌత
యెంత కెంత నేము యెఱఁగముగా
(॥గుట్టు॥)
సిగ్గుతోడనే సేవ సేసితే
యెగ్గు దీర నన్ను నెనసితివి
అగ్గపు శ్రీ వెంకటాధిప యిట్టవుత
హిగ్గిన వేడుక నెఱఁగముగా
(||pallavi||)
guṭṭuvām̐ḍa vaṁṭām̐ gŏsaridi
yiṭṭi nī vaṁṭedi yĕṟam̐gamugā
(||guṭṭu||)
sĕkkusedido sĕlavi navvide
tŏkkevu pādālu domaḍigā
akkara nī viṁta āsagām̐ḍa vavuda
yikkaḍa mālonĕ yĕṟam̐gamugā
(||guṭṭu||)
maṁtanāna nīdo māḍalāḍide
saṁtasānam̐ gŏṁgu jāriṁchevu
baṁtinĕ nī viṁta paṁtagām̐ḍa vauda
yĕṁta kĕṁta nemu yĕṟam̐gamugā
(||guṭṭu||)
siggudoḍane seva seside
yĕggu dīra nannu nĕnasidivi
aggabu śhrī vĕṁkaḍādhiba yiṭṭavuda
higgina veḍuga nĕṟam̐gamugā