గుట్టుతోడ నుండవే కొమ్మలెల్లా మెచ్చేరు
(॥పల్లవి॥)
గుట్టుతోడ నుండవే కొమ్మలెల్లా మెచ్చేరు
గట్టిగాఁ దానే వచ్చి కరుణించి నీతఁడు
(॥గుట్టు॥)
నవ్వకునే యంతేసి నయగారి తనముల
తవ్వకువే వలపులు దప్పిగొనీని
రువ్వకువే మాఁటల రొక్కముగా నొక్కమాటే
నివ్వటిల్ల నీకంటె నేరుపరి యీతఁడు
(॥గుట్టు॥)
మొక్కకువే సారె సారె ముదిరీ నీ వావులు
చొక్కకువే కన్నులను సొలపుదేరి
నిక్కకువే యంతేసి నేఁడె నీ సొబగులెల్లా
నెక్కొని నీకంటేను నెరవాది యీతఁడు
(॥గుట్టు॥)
పెంచకువే పంతాలు పెనఁగి పెనఁగి నీవు
వంచకువే నీ శిరసు వట్టి సిగ్గుల
యెంచఁగ శ్రీవేంకటేశుఁ డేలె నన్ను నీ వితని
మించి కూడేవు నీకంటె మేటిజాణఁ డీతఁడు
(||pallavi||)
guṭṭudoḍa nuṁḍave kŏmmalĕllā mĕchcheru
gaṭṭigām̐ dāne vachchi karuṇiṁchi nīdam̐ḍu
(||guṭṭu||)
navvagune yaṁtesi nayagāri tanamula
tavvaguve valabulu dappigŏnīni
ruvvaguve mām̐ṭala rŏkkamugā nŏkkamāḍe
nivvaḍilla nīgaṁṭĕ nerubari yīdam̐ḍu
(||guṭṭu||)
mŏkkaguve sārĕ sārĕ mudirī nī vāvulu
sŏkkaguve kannulanu sŏlabuderi
nikkaguve yaṁtesi nem̐ḍĕ nī sŏbagulĕllā
nĕkkŏni nīgaṁṭenu nĕravādi yīdam̐ḍu
(||guṭṭu||)
pĕṁchaguve paṁtālu pĕnam̐gi pĕnam̐gi nīvu
vaṁchaguve nī śhirasu vaṭṭi siggula
yĕṁcham̐ga śhrīveṁkaḍeśhum̐ ḍelĕ nannu nī vidani
miṁchi kūḍevu nīgaṁṭĕ meḍijāṇam̐ ḍīdam̐ḍu