గుఱ్ఱాలఁ గట్టని తేరు కొంక కెందైనాఁ బారీ
(॥పల్లవి॥)
గుఱ్ఱాలఁ గట్టని తేరు కొంక కెందైనాఁ బారీ
విఱ్ఱవీఁగుచుఁ దీసీని వేడుకతో జీవుఁడు
(॥గుఱ్ఱా॥)
సరి పిఱుఁదే రెండు జంటబండికండ్లు
సరవితోఁ బాదాలు చాఁపునొగలు
గరిమఁజూపులు రెండు గట్టిన పగ్గములు
దొరయై దేహరథము దోలీఁబో జీవుఁడు
(॥గుఱ్ఱా॥)
పంచమహాభూతములు పంచవన్నెకోకలు
పంచల చేతులు రెండు బలుటెక్కెలు
మించైన శిరసే మీదనున్న శిఖరము
పంచేంద్రియరథము పఱపీఁబో జీవుఁడు
(॥గుఱ్ఱా॥)
పాపపుణ్యములు రెండు పక్కనున్నచీలలు
తోపుల యన్నపానాలు దొబ్బుఁదెడ్లు
యేపున శ్రీవేంకటేశుఁ డెక్కి వీథుల నేఁగఁగ
కాపాడి నరరథము గడపీఁబో జీవుఁడు
(||pallavi||)
guṭrālam̐ gaṭṭani teru kŏṁka kĕṁdainām̐ bārī
viṭravīm̐gusum̐ dīsīni veḍugado jīvum̐ḍu
(||guṭrā||)
sari piṟum̐de rĕṁḍu jaṁṭabaṁḍigaṁḍlu
saravidom̐ bādālu sām̐punŏgalu
garimam̐jūbulu rĕṁḍu gaṭṭina paggamulu
dŏrayai deharathamu dolīm̐bo jīvum̐ḍu
(||guṭrā||)
paṁchamahābhūdamulu paṁchavannĕgogalu
paṁchala sedulu rĕṁḍu baluḍĕkkĕlu
miṁchaina śhirase mīdanunna śhikharamu
paṁcheṁdriyarathamu paṟabīm̐bo jīvum̐ḍu
(||guṭrā||)
pābabuṇyamulu rĕṁḍu pakkanunnasīlalu
tobula yannabānālu dŏbbum̐dĕḍlu
yebuna śhrīveṁkaḍeśhum̐ ḍĕkki vīthula nem̐gam̐ga
kābāḍi nararathamu gaḍabīm̐bo jīvum̐ḍu