rām kare kahīṅ nainā na uljhe
in nainan kī rīt burī hai
in nainoṅ uljhāye na suljhe
śhab-e-firāq meṅ yūṇ dil kā dāġh jaltā hai
makān-e-? jaise charāġh jaltā hai
chaśhm-e-purnam hai jigar jaltā hai
kyā qayāmat hai ke barsāt meṅ ghar jaltā hai
qarār chhīn liyā beqrār chhoṛ gaye
bahār le gaye yād-e-bahār chhoṛ gaye
hamāre chaśhm-e-hazīṅ ko na kuchh khayāl kiyā
vo umr bhar ke liye aśhqbār chhoṛ gaye