గుజ్జనఁగూడు వండెనె కోమలి నేఁడు
(॥పల్లవి॥)
గుజ్జనఁగూడు వండెనె కోమలి నేఁడు
గొజ్జువెన్నెల బాయిటఁ గొమ్మలుఁ దాను
(॥గుజ్జన॥)
గోమున సేవంతిపవ్వు గురుగులలోపల
యేమరక పూఁదేనె నెసరు వెట్టి
ప్రేమతోఁ బచ్చక ప్రపుబియ్యము కొద్దికిఁ బోసి
దోమటిగా మంచి పూవుఁదోఁటవెంట వాలెను
(॥గుజ్జన॥)
మచ్చికఁ బన్నీటను మారెసరుగాఁ బోసి
కచ్చు పెట్టి మల్లెమొగ్గఁ గలయఁ బెట్టి
మెచ్చుల మరువమున మించినట్టి పొం గణఁచి
ముచ్చటఁ బచ్చాకున మూఁకుడు మూసి
(॥గుజ్జన॥)
చెలఁగి వట్టివేళ్ల జిబిలికెను వారిచి
కులికి పుప్పొళ్లనే కూరలు వండి
కలికి చుట్టెపు శ్రీవెంకటనాథురతిఁ గూడె
వెలయ నాతనికి విందు వెట్టెనూ
(||pallavi||)
gujjanam̐gūḍu vaṁḍĕnĕ komali nem̐ḍu
gŏjjuvĕnnĕla bāyiḍam̐ gŏmmalum̐ dānu
(||gujjana||)
gomuna sevaṁtibavvu gurugulalobala
yemaraga pūm̐denĕ nĕsaru vĕṭṭi
premadom̐ bachchaga prabubiyyamu kŏddigim̐ bosi
domaḍigā maṁchi pūvum̐dom̐ṭavĕṁṭa vālĕnu
(||gujjana||)
machchigam̐ bannīḍanu mārĕsarugām̐ bosi
kachchu pĕṭṭi mallĕmŏggam̐ galayam̐ bĕṭṭi
mĕchchula maruvamuna miṁchinaṭṭi pŏṁ gaṇam̐si
muchchaḍam̐ bachchāguna mūm̐kuḍu mūsi
(||gujjana||)
sĕlam̐gi vaṭṭiveḽla jibiligĕnu vārisi
kuligi puppŏḽlane kūralu vaṁḍi
kaligi suṭṭĕbu śhrīvĕṁkaḍanāthuradim̐ gūḍĕ
vĕlaya nādanigi viṁdu vĕṭṭĕnū