గుబ్బచన్నుఁగవ లెల్ల గుబ్బలి కొండలు మంచి
(॥పల్లవి॥)
గుబ్బచన్నుఁగవ లెల్ల గుబ్బలి కొండలు మంచి-
గబ్బితనములె కన్నుగానని వలపులు
(॥గుబ్బ॥)
తేనియల చెలమలు తియ్యనిమోవులు మించు
లైనయమృతపుఁబిళ్ల లాననపద్మములు
మానైన చక్కెర బొమ్మలు మేనుదీగెలు
లేనగవు మెఱుఁగులు లేఁతవెన్నెలలు
(॥గుబ్బ॥)
సానఁ బట్టిన తూపులు చక్కని చూపులు మంచి
వేనలి కమ్మని తావులానిన తుమ్మెదలు
చేనిపంటల కొల్చులు చెప్పరాని చెయ్దులు
మానమానని చింతలు మాటలలో మూఁటలు
(॥గుబ్బ॥)
వెలలేని రచనలు వేడుక చేఁతలు వట్టి
పొలయలుకలు ప్రొద్దువోని బూటకములు
ఎలమితోఁ దిరువేంకటేశుని బొందినయట్టి
చెలియ గర్వము నేఁడు చెప్పఁజూపఁగతులు
(||pallavi||)
gubbasannum̐gava lĕlla gubbali kŏṁḍalu maṁchi-
gabbidanamulĕ kannugānani valabulu
(||gubba||)
teniyala sĕlamalu tiyyanimovulu miṁchu
lainayamṛtabum̐biḽla lānanabadmamulu
mānaina sakkĕra bŏmmalu menudīgĕlu
lenagavu mĕṟum̐gulu lem̐tavĕnnĕlalu
(||gubba||)
sānam̐ baṭṭina tūbulu sakkani sūbulu maṁchi
venali kammani tāvulānina tummĕdalu
senibaṁṭala kŏlsulu sĕpparāni sĕydulu
mānamānani siṁtalu māḍalalo mūm̐ṭalu
(||gubba||)
vĕlaleni rasanalu veḍuga sem̐talu vaṭṭi
pŏlayalugalu prŏdduvoni būḍagamulu
ĕlamidom̐ diruveṁkaḍeśhuni bŏṁdinayaṭṭi
sĕliya garvamu nem̐ḍu sĕppam̐jūbam̐gadulu