(॥పల్లవి॥)
గోవింద గోవింద యని కొలువరె
గోవిందా యని కొలువరె
(॥గోవింద॥)
హరి యచ్యుతా యని యాడరె
పురుషోత్తమా యని పొగడరె
పరమ పురుషా యని పలుకరె
సిరివర యనుచునుఁ జెలఁగరే జనులు
(॥గోవింద॥)
పాండవ వరద యని పాడరె
అండజ వాహనుఁ గొనియాడరె
కొండలరాయనినే కోరరె
దండితో మాధవునినే తలఁచరె జనులు
(॥గోవింద॥)
దేవుఁడు శ్రీవిభుఁడని తెలియరె
సోవల ననంతునిఁ జూడరె
శ్రీవేంకటనాధునిఁ చేరరె
పావనమై యెప్పుడును బ్రదుకరే జనులు
(||pallavi||)
goviṁda goviṁda yani kŏluvarĕ
goviṁdā yani kŏluvarĕ
(||goviṁda||)
hari yachyudā yani yāḍarĕ
puruṣhottamā yani pŏgaḍarĕ
parama puruṣhā yani palugarĕ
sirivara yanusunum̐ jĕlam̐gare janulu
(||goviṁda||)
pāṁḍava varada yani pāḍarĕ
aṁḍaja vāhanum̐ gŏniyāḍarĕ
kŏṁḍalarāyanine korarĕ
daṁḍido mādhavunine talam̐sarĕ janulu
(||goviṁda||)
devum̐ḍu śhrīvibhum̐ḍani tĕliyarĕ
sovala nanaṁtunim̐ jūḍarĕ
śhrīveṁkaḍanādhunim̐ serarĕ
pāvanamai yĕppuḍunu bradugare janulu