(॥పల్లవి॥)
ఘోరవిదారణ నారసింహ నీ-
వీ రూపముతో నెట్లుండితివో
(॥ఘోర॥)
ఉడికెడికోపపుటూర్పులఁ గొండలు
పొడివొడియై నభమునకెగయ
బెడిదపురవమున పిడుగులు దొరుగఁగ
యెడనెడ నీవపుడెట్లుండితివో
(॥ఘోర॥)
కాలానలములు గక్కుచు నయన-
జ్వాలల నిప్పులు చల్లుచును
భాలాక్షముతో బ్రహ్మండకోట్ల-
కేలికవై నీవెట్లుండితివో
(॥ఘోర॥)
గుటగుటరవములు కుత్తికఁ గులుకుచు
గిటగిటఁ బండ్లు గీఁటుచును
తటతటఁ బెదవులు దవడలు వణఁకఁగ
ఇటువలె నీవపుడెట్లుందితివో
(॥ఘోర॥)
గోళ్ళమెఱుఁగుల కొంకులపెదపెద-
వేళ్ళ దిక్కులు వెదకుచును
నీళ్ళతీగెలు నిగుడఁగ నోర ను-
చ్చిళ్ళు గమ్మఁగ నెట్లుండితివో
(॥ఘోర॥)
హిరణ్యకశిపుని నేపడఁచి భయం-
కరరూపముతోఁ గడుమెరసి
తిరువేంకటాగిరిదేవుఁడ నీవిఁక
యిరపుకొన్ననాఁడెట్లుందితివో
(||pallavi||)
ghoravidāraṇa nārasiṁha nī-
vī rūbamudo nĕṭluṁḍidivo
(||ghora||)
uḍigĕḍigobabuḍūrbulam̐ gŏṁḍalu
pŏḍivŏḍiyai nabhamunagĕgaya
bĕḍidaburavamuna piḍugulu dŏrugam̐ga
yĕḍanĕḍa nīvabuḍĕṭluṁḍidivo
(||ghora||)
kālānalamulu gakkusu nayana-
jvālala nippulu sallusunu
bhālākṣhamudo brahmaṁḍagoṭla-
keligavai nīvĕṭluṁḍidivo
(||ghora||)
guḍaguḍaravamulu kuttigam̐ gulugusu
giḍagiḍam̐ baṁḍlu gīm̐ṭusunu
taḍadaḍam̐ bĕdavulu davaḍalu vaṇam̐kam̐ga
iḍuvalĕ nīvabuḍĕṭluṁdidivo
(||ghora||)
goḽḽamĕṟum̐gula kŏṁkulabĕdabĕda-
veḽḽa dikkulu vĕdagusunu
nīḽḽadīgĕlu niguḍam̐ga nora nu-
schiḽḽu gammam̐ga nĕṭluṁḍidivo
(||ghora||)
hiraṇyagaśhibuni nebaḍam̐si bhayaṁ-
kararūbamudom̐ gaḍumĕrasi
tiruveṁkaḍāgiridevum̐ḍa nīvim̐ka
yirabugŏnnanām̐ḍĕṭluṁdidivo