(॥పల్లవి॥)
ఘనుఁడవు నీమహిమ గన్నవారెవ్వరు
మినుకుల కొంతకొంత మెచ్చు టింతేకాని
(॥ఘను॥)
జలధినీరు సొచ్చి సారెసారెనీఁదవచ్చు
ములుగుచుఁ గొండైన మోవవచ్చును
యిలయెల్లనెత్తవచ్చు నేరూపైనఁ గావచ్చు
బలిమి నీచిత్తమే పట్టరాదుగాని
(॥ఘను॥)
ఆకసమింతంతని యంటికొలవఁగవచ్చు
చేకొని ఘోరతపము సేయవచ్చును
రాకాసులఁ జంపవచ్చు రామలఁగలయవచ్చు
ఆకడ నీగుట్టు తెలియఁగరాదు గాని
(॥ఘను॥)
పట్టరానివ్రతములు పట్టించి సేయించవచ్చు
గట్టి రాయైనాఁ గడుఁ గరఁచవచ్చు
ఇట్టె శ్రీవేంకటేశ యిటు నన్ను గూడితివి
దిట్టు నీనాలోన భేదించరాదుగాని
(||pallavi||)
ghanum̐ḍavu nīmahima gannavārĕvvaru
minugula kŏṁtagŏṁta mĕchchu ṭiṁtegāni
(||ghanu||)
jaladhinīru sŏchchi sārĕsārĕnīm̐davachchu
mulugusum̐ gŏṁḍaina movavachchunu
yilayĕllanĕttavachchu nerūbainam̐ gāvachchu
balimi nīsittame paṭṭarādugāni
(||ghanu||)
āgasamiṁtaṁtani yaṁṭigŏlavam̐gavachchu
segŏni ghoradabamu seyavachchunu
rāgāsulam̐ jaṁpavachchu rāmalam̐galayavachchu
āgaḍa nīguṭṭu tĕliyam̐garādu gāni
(||ghanu||)
paṭṭarānivradamulu paṭṭiṁchi seyiṁchavachchu
gaṭṭi rāyainām̐ gaḍum̐ garam̐savachchu
iṭṭĕ śhrīveṁkaḍeśha yiḍu nannu gūḍidivi
diṭṭu nīnālona bhediṁcharādugāni