(॥పల్లవి॥)
ఘనుఁడాతఁడా యితఁడు కలశాపురము కాడ
హనుమంతుఁ డితఁడా అంజనాతనయుఁడు
(॥ఘనుఁ॥)
పెడచేత లోచేత బెరసి కొందరిఁ గొట్టె
అడరి దానవుల హనుమంతుఁడు
బెడిదంపుఁ బెనుదోఁక బిరబిరఁ దిప్పి మొత్తె
అడఁగ మాల్యవంతు హనుమంతుఁడు
(॥ఘనుఁ॥)
దాకాల మోఁకాలఁ దాటించెఁ గొందరి
ఆకాశవీధినుండి హనుమంతుఁడు
పైకొని భుజములఁ బడఁదాఁకెఁ గొందరి
ఆకడ జలధిలోని హనుమంతుఁడు
(॥ఘనుఁ॥)
అరుపుల నూరుపుల నందరిఁ బారఁగఁ దోలె
ఔరా సంజీవికొండ హనుమంతుఁడు
మేరతో శ్రీవేంకటాద్రిమీఁది దేవుని బంటు
ఆరితేరిన బిరుదు హనుమంతుఁడు
(||pallavi||)
ghanum̐ḍādam̐ḍā yidam̐ḍu kalaśhāburamu kāḍa
hanumaṁtum̐ ḍidam̐ḍā aṁjanādanayum̐ḍu
(||ghanum̐||)
pĕḍaseda loseda bĕrasi kŏṁdarim̐ gŏṭṭĕ
aḍari dānavula hanumaṁtum̐ḍu
bĕḍidaṁpum̐ bĕnudom̐ka birabiram̐ dippi mŏttĕ
aḍam̐ga mālyavaṁtu hanumaṁtum̐ḍu
(||ghanum̐||)
dāgāla mom̐kālam̐ dāḍiṁchĕm̐ gŏṁdari
āgāśhavīdhinuṁḍi hanumaṁtum̐ḍu
paigŏni bhujamulam̐ baḍam̐dām̐kĕm̐ gŏṁdari
āgaḍa jaladhiloni hanumaṁtum̐ḍu
(||ghanum̐||)
arubula nūrubula naṁdarim̐ bāram̐gam̐ dolĕ
aurā saṁjīvigŏṁḍa hanumaṁtum̐ḍu
merado śhrīveṁkaḍādrimīm̐di devuni baṁṭu
āriderina birudu hanumaṁtum̐ḍu