(॥పల్లవి॥)
ఘనమనోరాజ్యసంగతి చెలఁగినఁ గాని
జనుల కెప్పుడు నాత్మసౌఖ్యంబు లేదు
(॥ఘన॥)
ప్రతిలేనిధైర్యంబు పదిలపరచినఁ గాని
మతిలోనిపగవారిమద మణఁపరాదు
మితిలేనిశాంతమనుమేఁటికైదువఁ గాని
క్రితకంబువిషయముల గెలుపెరఁగరాదు
(॥ఘన॥)
సొరిది నిర్మోహమనుజోడు దొడిగినఁ గాని
వెరపుడిగి మమతచే వెళ్లఁబడరాదు
యిరవైన విజ్ఞానపింట నుండినఁ గాని
అరసి జగమెల్ల తానై యేలరాదు
(॥ఘన॥)
యిన్నియునుఁ దిరువేంకటేశుఁ డిచ్చినఁ గాని
తన్నుఁదానెరిఁగి యాతనిఁగొలువరాదు
కన్నులను వెలి లోను గలయఁజూచిన గాని
సన్నంబుఘనమనెడిజాడ గనరాదు
(||pallavi||)
ghanamanorājyasaṁgadi sĕlam̐ginam̐ gāni
janula kĕppuḍu nātmasaukhyaṁbu ledu
(||ghana||)
pradilenidhairyaṁbu padilabarasinam̐ gāni
madilonibagavārimada maṇam̐parādu
midileniśhāṁtamanumem̐ṭigaiduvam̐ gāni
kridagaṁbuviṣhayamula gĕlubĕram̐garādu
(||ghana||)
sŏridi nirmohamanujoḍu dŏḍiginam̐ gāni
vĕrabuḍigi mamadase vĕḽlam̐baḍarādu
yiravaina vijñānabiṁṭa nuṁḍinam̐ gāni
arasi jagamĕlla tānai yelarādu
(||ghana||)
yinniyunum̐ diruveṁkaḍeśhum̐ ḍichchinam̐ gāni
tannum̐dānĕrim̐gi yādanim̐gŏluvarādu
kannulanu vĕli lonu galayam̐jūsina gāni
sannaṁbughanamanĕḍijāḍa ganarādu