(॥పల్లవి॥)
గాలినే పోయఁ గలకాలము
తాలిమికిఁ గొంతయుఁ బొద్దు లేదు
(॥గాలినే॥)
అడుసు చొరనే పట్టె నటునిటుఁ గాళ్ళు
గడుగుకొననే పట్టెఁ గలకాలము
ఒడలికి జీవుని కొడయఁడైనహరిఁ
దడవఁగా గొంతయుఁ బొద్దులేదు
(॥గాలినే॥)
కలఁచి చిందనే పట్టెఁ గడవ నించగఁ బట్టె
కలుషదేహపుబాదఁ గలకాలము
తలపోసి తనపాలిదైవమైనహరి
దలఁచఁగా గొంతయుఁ బొద్దులేదు
(॥గాలినే॥)
శిరసు ముడువఁబట్టె చిక్కుదియ్యఁగఁ బట్టె
గరిమలఁ గపటాలఁ గలకాలము
తిరువేంకటగిరి దేవుఁడైన హరి
దరిచేరాఁ గొంతయుఁ బొద్దు లేదు
(||pallavi||)
gāline poyam̐ galagālamu
tālimigim̐ gŏṁtayum̐ bŏddu ledu
(||gāline||)
aḍusu sŏrane paṭṭĕ naḍuniḍum̐ gāḽḽu
gaḍugugŏnane paṭṭĕm̐ galagālamu
ŏḍaligi jīvuni kŏḍayam̐ḍainaharim̐
daḍavam̐gā gŏṁtayum̐ bŏdduledu
(||gāline||)
kalam̐si siṁdane paṭṭĕm̐ gaḍava niṁchagam̐ baṭṭĕ
kaluṣhadehabubādam̐ galagālamu
talabosi tanabālidaivamainahari
dalam̐sam̐gā gŏṁtayum̐ bŏdduledu
(||gāline||)
śhirasu muḍuvam̐baṭṭĕ sikkudiyyam̐gam̐ baṭṭĕ
garimalam̐ gabaḍālam̐ galagālamu
tiruveṁkaḍagiri devum̐ḍaina hari
dariserām̐ gŏṁtayum̐ bŏddu ledu