ఎవ్వరుఁ గాననివాఁడు యశోద గనె నట్టె
(॥పల్లవి॥)
ఎవ్వరుఁ గాననివాఁడు యశోద గనె నట్టె
పవ్వళించే బ్రహ్మతండ్రి బాలుఁడయ్యె నట్టె
(॥ఎవ్వ॥)
ఘనయోగీంద్రుల మతిఁ గట్టువడనట్టివాఁడు
పనిలేక రోలఁ గట్టువడినాఁడట్టె
తనియ సురలకు పాదము చూపనట్టివాఁడు
మొనసి బండిమీఁద మోపినాఁ డట్టె
(॥ఎవ్వ॥)
అమృతము చేతఁ దచ్చి అందరికిచ్చినవాఁడు
తమితో వెన్న దొంగిలెఁ దానె యట్టె
గుమురై దేవదానవకోటికిఁ జిక్కనివాఁడు
భ్రమసి గోపికల పాలఁ జిక్కినాఁ డట్టె
(॥ఎవ్వ॥)
యిందుఁ గలఁ డిందులేఁడనెంచి చూపరానివాఁడు
అందమై రేపల్లెవాడ నాడీనట్టె
అంది కృష్ణావతారమయినట్టి దేవుఁడే
యిందున శ్రీవేంకటాద్రి యెక్కి నిలిచెనట్టె
(||pallavi||)
ĕvvarum̐ gānanivām̐ḍu yaśhoda ganĕ naṭṭĕ
pavvaḽiṁche brahmadaṁḍri bālum̐ḍayyĕ naṭṭĕ
(||ĕvva||)
ghanayogīṁdrula madim̐ gaṭṭuvaḍanaṭṭivām̐ḍu
panilega rolam̐ gaṭṭuvaḍinām̐ḍaṭṭĕ
taniya suralagu pādamu sūbanaṭṭivām̐ḍu
mŏnasi baṁḍimīm̐da mobinām̐ ḍaṭṭĕ
(||ĕvva||)
amṛtamu sedam̐ dachchi aṁdarigichchinavām̐ḍu
tamido vĕnna dŏṁgilĕm̐ dānĕ yaṭṭĕ
gumurai devadānavagoḍigim̐ jikkanivām̐ḍu
bhramasi gobigala pālam̐ jikkinām̐ ḍaṭṭĕ
(||ĕvva||)
yiṁdum̐ galam̐ ḍiṁdulem̐ḍanĕṁchi sūbarānivām̐ḍu
aṁdamai reballĕvāḍa nāḍīnaṭṭĕ
aṁdi kṛṣhṇāvadāramayinaṭṭi devum̐ḍe
yiṁduna śhrīveṁkaḍādri yĕkki nilisĕnaṭṭĕ