ఎవ్వరు గర్తలు గారు యిందిరానాథుఁడే కర్త
(॥పల్లవి॥)
ఎవ్వరు గర్తలు గారు యిందిరానాథుఁడే కర్త
నివ్వటి ల్లాతనివారై నేమము దప్పకురో
(॥ఎవ్వ॥)
కర్మమే కర్తయైతే కడకు మోక్షము లేదు
అర్మిలి జీవుఁడు గర్తయైతేఁ బుట్టుగే లేదు
మర్మపుమాయ గర్త అయితే మరి విజ్ఞానమే లేదు
నిర్మితము హరి దింతే నిజమిదెఱఁగరో
(॥ఎవ్వ॥)
ప్రపంచమే కర్తయైతే పాపపుణ్యములు లేవు
వుపమ మనసు గర్తైఉంటే నాచార మే లేదు
కపటపు దేహములే కర్తలయితే చావు లేదు
నెపము శ్రీహరి దింతే నేరిచి బ్రదుకరో
(॥ఎవ్వ॥)
పలుశ్రుతులు గర్తలై పరగితే మేర లేదు
అల బట్టబయలు గర్తైతే నాధారము లేదు
యెలమి నిందరికి గర్త యిదివో శ్రీవేంకటాద్రి
నిలయపుహరి యింతే నేఁడే కొలువరో
(||pallavi||)
ĕvvaru gardalu gāru yiṁdirānāthum̐ḍe karda
nivvaḍi llādanivārai nemamu dappaguro
(||ĕvva||)
karmame kardayaide kaḍagu mokṣhamu ledu
armili jīvum̐ḍu gardayaidem̐ buṭṭuge ledu
marmabumāya garda ayide mari vijñāname ledu
nirmidamu hari diṁte nijamidĕṟam̐garo
(||ĕvva||)
prabaṁchame kardayaide pābabuṇyamulu levu
vubama manasu gardaiuṁṭe nāsāra me ledu
kabaḍabu dehamule kardalayide sāvu ledu
nĕbamu śhrīhari diṁte nerisi bradugaro
(||ĕvva||)
paluśhrudulu gardalai paragide mera ledu
ala baṭṭabayalu gardaide nādhāramu ledu
yĕlami niṁdarigi garda yidivo śhrīveṁkaḍādri
nilayabuhari yiṁte nem̐ḍe kŏluvaro