(॥పల్లవి॥)
ఎవ్వరు గల రెవ్వరికి
ఇవ్వల నవ్వల నితఁడే కాక
(॥ఎవ్వ॥)
ముద్ద సేసినటు మొదలఁ గడుపులోఁ
బెద్దగాఁ దాఁ బెరుగునాఁడు
ఒద్దనెవ్వరుండిరొకరైనా
ఒద్దికైన బంధుఁడొకఁడేకాక
(॥ఎవ్వ॥)
వరతఁ బోవునట్టి వడిసంసారపు
తెరలఁ దగిలి తాఁ దిరుగునాఁడు
వెరవకుమని భావించువారెవరు
తరితోడ నీతఁడె కాచుఁగాక
(॥ఎవ్వ॥)
ఉడుకఁ బెట్టినట్టి వుడివోయిన నరకాల
నుడుకుచుఁ దానుండునాడు
తడవువారెవ్వరంతటఁ దన్ను
కడవేగ వేంకటపతిగాక
(||pallavi||)
ĕvvaru gala rĕvvarigi
ivvala navvala nidam̐ḍe kāga
(||ĕvva||)
mudda sesinaḍu mŏdalam̐ gaḍubulom̐
bĕddagām̐ dām̐ bĕrugunām̐ḍu
ŏddanĕvvaruṁḍirŏgarainā
ŏddigaina baṁdhum̐ḍŏgam̐ḍegāga
(||ĕvva||)
varadam̐ bovunaṭṭi vaḍisaṁsārabu
tĕralam̐ dagili tām̐ dirugunām̐ḍu
vĕravagumani bhāviṁchuvārĕvaru
taridoḍa nīdam̐ḍĕ kāsum̐gāga
(||ĕvva||)
uḍugam̐ bĕṭṭinaṭṭi vuḍivoyina naragāla
nuḍugusum̐ dānuṁḍunāḍu
taḍavuvārĕvvaraṁtaḍam̐ dannu
kaḍavega veṁkaḍabadigāga