(॥పల్లవి॥)
ఎవ్వరివాఁడో యీదేహి
యివ్వలనవ్వల నీదేహి
(॥ఎవ్వ॥)
కామించు నూరకే కలవియు లేనివి
యేమి గట్టుకొనె నీదేహి
వాములాయ నిరువదియొక వావులు
యేమని తెలిసెనో యీదేహి
(॥ఎవ్వ॥)
కందువ నిజములు గల్లలు నడిపీ
యెందుకు నెక్కెనో యీ దేహి
ముందర నున్నవి మొగిఁ దనపాట్లు
యిందే భ్రమసీ నీదేహి
(॥ఎవ్వ॥)
పంచేంద్రియముల పాలాయ జన్మము
యించుక యెఱఁగఁడు యీదేహి
అంచెల శ్రీవేంకటాధీశ నీకృప
వంచఁగ గెలిచెను వడి నీదేహి
(||pallavi||)
ĕvvarivām̐ḍo yīdehi
yivvalanavvala nīdehi
(||ĕvva||)
kāmiṁchu nūrage kalaviyu lenivi
yemi gaṭṭugŏnĕ nīdehi
vāmulāya niruvadiyŏga vāvulu
yemani tĕlisĕno yīdehi
(||ĕvva||)
kaṁduva nijamulu gallalu naḍibī
yĕṁdugu nĕkkĕno yī dehi
muṁdara nunnavi mŏgim̐ danabāṭlu
yiṁde bhramasī nīdehi
(||ĕvva||)
paṁcheṁdriyamula pālāya janmamu
yiṁchuga yĕṟam̐gam̐ḍu yīdehi
aṁchĕla śhrīveṁkaḍādhīśha nīkṛpa
vaṁcham̐ga gĕlisĕnu vaḍi nīdehi