ఎవ్వరినేర్పులు జెప్ప నిందు నేది
(॥పల్లవి॥)
ఎవ్వరినేర్పులు జెప్ప నిందు నేది
రవ్వ సేయక జీవుల రక్షించవయ్యా
(॥ఎవ్వ॥)
తలపోసి తలపోసి ధ్యానముసేతురు నిన్ను
యెలమి నింతని నిశ్చయింపలేరు
పలుమారు నీగుణాలు పైకొని నుతింతురు
కొలఁదివెట్టుచు మీగుఱుతు లెంచలేరు
(॥ఎవ్వ॥)
పొదిగి పొదిగి నిన్నుఁ బూజలెల్లాఁ జేతురు
యెదుట నీశ్రీమూర్తి యెఱఁగలేరు
వెదకి వెదకి సారె విందురు నీకతలెల్లా
పదిలపు నీభ క్తి పట్టఁగలేరు
(॥ఎవ్వ॥)
నిక్కి నిక్కి చేతులెత్తి నీకు మెుక్కుదురుగాని
మక్కువ నీమహిమ నమ్మఁగలేరు
యిక్కడ శ్రీవేంకటేశ యిటు నీకరుణచేత
తక్కక నిన్ను సేవించి తనియలేరు
(||pallavi||)
ĕvvarinerbulu jĕppa niṁdu nedi
ravva seyaga jīvula rakṣhiṁchavayyā
(||ĕvva||)
talabosi talabosi dhyānamuseduru ninnu
yĕlami niṁtani niśhchayiṁpaleru
palumāru nīguṇālu paigŏni nudiṁturu
kŏlam̐divĕṭṭusu mīguṟudu lĕṁchaleru
(||ĕvva||)
pŏdigi pŏdigi ninnum̐ būjalĕllām̐ jeduru
yĕduḍa nīśhrīmūrdi yĕṟam̐galeru
vĕdagi vĕdagi sārĕ viṁduru nīgadalĕllā
padilabu nībha kti paṭṭam̐galeru
(||ĕvva||)
nikki nikki sedulĕtti nīgu mĕుkkudurugāni
makkuva nīmahima nammam̐galeru
yikkaḍa śhrīveṁkaḍeśha yiḍu nīgaruṇaseda
takkaga ninnu seviṁchi taniyaleru