ఎవ్వరికిఁ జెల్లునమ్మ యింతేసి పనులు
(॥పల్లవి॥)
ఎవ్వరికిఁ జెల్లునమ్మ యింతేసి పనులు
నొవ్వని నొప్పులతోడ నొగిలీఁ జెలియ
(॥ఎవ్వరి॥)
వీఁగెడి తురుముతోడ వేఁకపు సొమ్ములతోడ
కాఁగిన దేహముమీఁది కస్తూరితోడ
ఆఁగిన యాసలతోడ నతిరాజసముతోడ
వేఁగెడిఁ బ్రాణేశుఁబాసి విరహనఁ జెలియ
(॥ఎవ్వరి॥)
విప్పని రెప్పలతోడ వేఁడిచెమటల తోడ
పుప్పొడి దాఁకినమేని పొక్కులతోడ
కప్పక కప్పిన మంచి కలికిపయ్యెదతోడ
కప్పురపుటూర్పులఁ గరఁగీఁ జెలియ
(॥ఎవ్వరి॥)
భావపువింతలతోడ పచ్చిసింగారముతోడ
ఆవులు వారెడిమేని అలపులతోడ
శ్రీ వేంకటేశ్వరుఁగూడి సిగ్గులగర్వముతోడ
ఆవలిమోమై మాఁటలాడీఁ జెలియ
(||pallavi||)
ĕvvarigim̐ jĕllunamma yiṁtesi panulu
nŏvvani nŏppuladoḍa nŏgilīm̐ jĕliya
(||ĕvvari||)
vīm̐gĕḍi turumudoḍa vem̐kabu sŏmmuladoḍa
kām̐gina dehamumīm̐di kastūridoḍa
ām̐gina yāsaladoḍa nadirājasamudoḍa
vem̐gĕḍim̐ brāṇeśhum̐bāsi virahanam̐ jĕliya
(||ĕvvari||)
vippani rĕppaladoḍa vem̐ḍisĕmaḍala toḍa
puppŏḍi dām̐kinameni pŏkkuladoḍa
kappaga kappina maṁchi kaligibayyĕdadoḍa
kappurabuḍūrbulam̐ garam̐gīm̐ jĕliya
(||ĕvvari||)
bhāvabuviṁtaladoḍa pachchisiṁgāramudoḍa
āvulu vārĕḍimeni alabuladoḍa
śhrī veṁkaḍeśhvarum̐gūḍi siggulagarvamudoḍa
āvalimomai mām̐ṭalāḍīm̐ jĕliya