ఎవ్వరి నేమనలేవు యింతేసికి నోపము
(॥పల్లవి॥)
ఎవ్వరి నేమనలేవు యింతేసికి నోపము
పువ్వునఁ బుట్టినయట్టి పూఁపవంటివాఁడవు
(॥ఎవ్వ॥)
మిక్కిలి నీతో నేను మేరలు మీరిన నైతే
యెక్కడ నెవ్వతె వచ్చి యేమనునో
దక్కితి సారెసారెకుఁ దడవకువయ్య మమ్ము
చిక్కి నీ వందరిపెట్టుఁ జెట్టువంటివాఁడవు
(॥ఎవ్వ॥)
చెనకి నీ బుజముపై చెయి నేను వేసితేను
వనిత యెవ్వతె వచ్చి వంతు వట్టునో
పెనఁగి నీ వాడా నీడాఁ బిలువకువయ్య నన్ను
తనిసి సూదిపిరిఁది తాడువంటివాఁడవు
(॥ఎవ్వ॥)
గుట్టున నిన్నుఁ గూడితి గోర నిన్ను నూఁదితేను
దిట్టయై యెవ్వతె వచ్చి తేరి చూచునో
పట్టి శ్రీ వెంకటేశ్వర భ్రమలఁ బెట్టకువయ్య
బట్టబయటిపెసరుఁబంటవంటివాఁడవు
(||pallavi||)
ĕvvari nemanalevu yiṁtesigi nobamu
puvvunam̐ buṭṭinayaṭṭi pūm̐pavaṁṭivām̐ḍavu
(||ĕvva||)
mikkili nīdo nenu meralu mīrina naide
yĕkkaḍa nĕvvadĕ vachchi yemanuno
dakkidi sārĕsārĕgum̐ daḍavaguvayya mammu
sikki nī vaṁdaribĕṭṭum̐ jĕṭṭuvaṁṭivām̐ḍavu
(||ĕvva||)
sĕnagi nī bujamubai sĕyi nenu vesidenu
vanida yĕvvadĕ vachchi vaṁtu vaṭṭuno
pĕnam̐gi nī vāḍā nīḍām̐ biluvaguvayya nannu
tanisi sūdibirim̐di tāḍuvaṁṭivām̐ḍavu
(||ĕvva||)
guṭṭuna ninnum̐ gūḍidi gora ninnu nūm̐didenu
diṭṭayai yĕvvadĕ vachchi teri sūsuno
paṭṭi śhrī vĕṁkaḍeśhvara bhramalam̐ bĕṭṭaguvayya
baṭṭabayaḍibĕsarum̐baṁṭavaṁṭivām̐ḍavu