ఎవ్వరి నేమడిగేవు యేమని చెప్పేము నేము
(॥పల్లవి॥)
ఎవ్వరి నేమడిగేవు యేమని చెప్పేము నేము
జవ్వనపు నీ పంతము సంగడినే వున్నది
(॥ఎవ్వ॥)
పడఁతి మాటలలోని భావము దెలుసుకొంటే
అడరిన నీ మోహమందేవున్నది
తడఁబడే మతిలోని తలఁపు దెలుసుకొంటే
విడువని నీ నేర్పు వెనకనేవున్నది
(॥ఎవ్వ॥)
అంగన నవ్వునవ్విన ఆయము దెలుసుకొంటే
అంగవించే నీ భోగ మందేవున్నది
సంగడినాడే సరసములే తెలుసుకొంటే
చెంగటి జాణతనాలు నీ చేతిలోనేవున్నవి
(॥ఎవ్వ॥)
యింతి కాఁగిలించుకొన్న యితవు దెలుసుకొంటే
అంతటివేడుక నీ యాత్మనున్నది
వంతుల శ్రీవెంకటేశ వనితఁ గూడితివిట్టే
మంతనాలన్నియు నీ మర్మములోనున్నవి
(||pallavi||)
ĕvvari nemaḍigevu yemani sĕppemu nemu
javvanabu nī paṁtamu saṁgaḍine vunnadi
(||ĕvva||)
paḍam̐ti māḍalaloni bhāvamu dĕlusugŏṁṭe
aḍarina nī mohamaṁdevunnadi
taḍam̐baḍe madiloni talam̐pu dĕlusugŏṁṭe
viḍuvani nī nerbu vĕnaganevunnadi
(||ĕvva||)
aṁgana navvunavvina āyamu dĕlusugŏṁṭe
aṁgaviṁche nī bhoga maṁdevunnadi
saṁgaḍināḍe sarasamule tĕlusugŏṁṭe
sĕṁgaḍi jāṇadanālu nī sedilonevunnavi
(||ĕvva||)
yiṁti kām̐giliṁchugŏnna yidavu dĕlusugŏṁṭe
aṁtaḍiveḍuga nī yātmanunnadi
vaṁtula śhrīvĕṁkaḍeśha vanidam̐ gūḍidiviṭṭe
maṁtanālanniyu nī marmamulonunnavi