ఎవ్వరి దూరఁగఁ జోటు లేదు మరి యేమనఁ గలదిదివో తగవు
(॥పల్లవి॥)
ఎవ్వరి దూరఁగఁ జోటు లేదు మరి యేమనఁ గలదిదివో తగవు
యివ్వల నందరి బడిబడిఁ దిరిగే యీకర్మముదే నేరమి
(॥ఎవ్వ॥)
నీ దాసులకును నేరమి లేదు నీవే గతియని వుండఁగను
ఆదినుండి నీకును నేరమి లేదఖిలానకుఁ గర్తవుగాన
పాదుపడక నడుమనుఁ దిరిగాడెడి ప్రపంచముదే నేరమి
యేదెస నొకచో నిజమేరుపడక యిటువలెఁ దిరిగాడెడిఁ గాన
(॥ఎవ్వ॥)
పాపము లేదిదె యజ్ఞానులకును భావమెరంగని పశువులు గాన
మోపై సుజ్ఞానులకునుఁ బాపము మోవదు నినుఁ గొలిచిరి గాన
చాపలముగ నమ్మించి చెరుచు పలుచదువులదే యీ పాతకము
పైపై నొకయర్థ మేరుపరచక భ్రమయఁగ వాదము వెట్టెడిఁ గాన
(॥ఎవ్వ॥)
యీలోకులకును అధర్మము లే దిన్నియు నీచేఁతలే కాన
మూలనున్నముక్తులకు నధర్మము మొదల లేదు నీ కృప గనక
కాలము గడపుచు నీవు రచించిన కపటపు మాయదే అధర్మము
అలరి శ్రీవేంకటేశ్వర య(యె?)క్కడనడ్డము తానేవచ్చీఁ గాన
(||pallavi||)
ĕvvari dūram̐gam̐ joḍu ledu mari yemanam̐ galadidivo tagavu
yivvala naṁdari baḍibaḍim̐ dirige yīgarmamude nerami
(||ĕvva||)
nī dāsulagunu nerami ledu nīve gadiyani vuṁḍam̐ganu
ādinuṁḍi nīgunu nerami ledakhilānagum̐ gardavugāna
pādubaḍaga naḍumanum̐ dirigāḍĕḍi prabaṁchamude nerami
yedĕsa nŏgaso nijamerubaḍaga yiḍuvalĕm̐ dirigāḍĕḍim̐ gāna
(||ĕvva||)
pābamu ledidĕ yajñānulagunu bhāvamĕraṁgani paśhuvulu gāna
mobai sujñānulagunum̐ bābamu movadu ninum̐ gŏlisiri gāna
sābalamuga nammiṁchi sĕrusu palusaduvulade yī pādagamu
paibai nŏgayardha merubarasaga bhramayam̐ga vādamu vĕṭṭĕḍim̐ gāna
(||ĕvva||)
yīlogulagunu adharmamu le dinniyu nīsem̐tale kāna
mūlanunnamuktulagu nadharmamu mŏdala ledu nī kṛpa ganaga
kālamu gaḍabusu nīvu rasiṁchina kabaḍabu māyade adharmamu
alari śhrīveṁkaḍeśhvara ya(yĕ?)kkaḍanaḍḍamu tānevachchīm̐ gāna