(॥పల్లవి॥)
ఎవ్వరెవ్వరివాడొ యీ జీవుఁడు చూడ-
నెవ్వరికి నేమౌనొ యీ జీవుఁడు
(॥పల్లవి॥)
ఎందరికిఁ గొడుకుగాఁ డీజీవుఁడు వెనక
కెందరికిఁ దోఁబుట్టఁ డీజీవుఁడు
యెందరిని భ్రమయించఁ డీజీవుఁడు దుఃఖ-
మెందరికిఁ గావింపఁ డీజీవుఁడు
(॥పల్లవి॥)
యెక్కడెక్కడఁ దిరుగఁ డీజీవుఁడు వెనక-
కెక్కడో తనజన్మ మీ జీవుఁడు
యెక్కడి చుట్టము దనకు నీ జీవుఁడు యొప్పు-
డెక్కడికి నేఁగునో యీ జీవుఁడు
(॥పల్లవి॥)
ఎన్నఁడును జేటులేనీ జీవుఁడు వెనక-
కెన్నిదనువులు మోవఁడీ జీవుఁడు
యెన్నఁగల తిరువేంకటేశుమాయలఁ దగిలి
యెన్నిపదవులఁబొందఁ డీజీవుడు
(||pallavi||)
ĕvvarĕvvarivāḍŏ yī jīvum̐ḍu sūḍa-
nĕvvarigi nemaunŏ yī jīvum̐ḍu
(||pallavi||)
ĕṁdarigim̐ gŏḍugugām̐ ḍījīvum̐ḍu vĕnaga
kĕṁdarigim̐ dom̐buṭṭam̐ ḍījīvum̐ḍu
yĕṁdarini bhramayiṁcham̐ ḍījīvum̐ḍu duḥkha-
mĕṁdarigim̐ gāviṁpam̐ ḍījīvum̐ḍu
(||pallavi||)
yĕkkaḍĕkkaḍam̐ dirugam̐ ḍījīvum̐ḍu vĕnaga-
kĕkkaḍo tanajanma mī jīvum̐ḍu
yĕkkaḍi suṭṭamu danagu nī jīvum̐ḍu yŏppu-
ḍĕkkaḍigi nem̐guno yī jīvum̐ḍu
(||pallavi||)
ĕnnam̐ḍunu jeḍulenī jīvum̐ḍu vĕnaga-
kĕnnidanuvulu movam̐ḍī jīvum̐ḍu
yĕnnam̐gala tiruveṁkaḍeśhumāyalam̐ dagili
yĕnnibadavulam̐bŏṁdam̐ ḍījīvuḍu