ఎవ్వతిర ప్రియము నీకింత సేసినది చూచి
(॥పల్లవి॥)
ఎవ్వతిర ప్రియము నీకింత సేసినది చూచి
దవ్వుల నిన్నొకమాఁట తగులనాడినది
(॥ఎవ్వ॥)
సిబ్బెంపు గుబ్బలమీఁది జిలుగుఁ బయ్యదది
గబ్బిచూపు నిన్నుఁ జూచి కన్నుల నవ్వినది
బబ్బిలికాయలతోడి పసిఁడిమెట్టెలది
జొబ్బిలిన చెమటలచేఁ జొక్కి నిలిచినది
(॥ఎవ్వ॥)
తొంగలిరెప్పలతోడి తోరపుఁ గన్నులది
చెంగటిచెలియచేతఁ జెయివేసి నవ్వినది
చెంగలువబంతిచేతఁ జెక్కునొక్కినది
వుంగరాలవేళ్ళ నీ కొయ్యనె మొక్కినది
(॥ఎవ్వ॥)
వీడక వీడని కొప్పువిరులు జారినది
వాడక వాడని మోవివన్నెలు దోఁచినది
యీడులేని తిరువేంకటేశ నినుఁబొంది యీ-
కోడెవయసున నింతి కోరికెలందినది
(||pallavi||)
ĕvvadira priyamu nīgiṁta sesinadi sūsi
davvula ninnŏgamām̐ṭa tagulanāḍinadi
(||ĕvva||)
sibbĕṁpu gubbalamīm̐di jilugum̐ bayyadadi
gabbisūbu ninnum̐ jūsi kannula navvinadi
babbiligāyaladoḍi pasim̐ḍimĕṭṭĕladi
jŏbbilina sĕmaḍalasem̐ jŏkki nilisinadi
(||ĕvva||)
tŏṁgalirĕppaladoḍi torabum̐ gannuladi
sĕṁgaḍisĕliyasedam̐ jĕyivesi navvinadi
sĕṁgaluvabaṁtisedam̐ jĕkkunŏkkinadi
vuṁgarālaveḽḽa nī kŏyyanĕ mŏkkinadi
(||ĕvva||)
vīḍaga vīḍani kŏppuvirulu jārinadi
vāḍaga vāḍani movivannĕlu dom̐sinadi
yīḍuleni tiruveṁkaḍeśha ninum̐bŏṁdi yī-
koḍĕvayasuna niṁti korigĕlaṁdinadi