ఎవ్వతెరా నినుఁజూచె నేమని పుత్తెంచె
(॥పల్లవి॥)
ఎవ్వతెరా నినుఁజూచె నేమని పుత్తెంచె
పువ్వుబంతి నిను వేసి పొందుచూపి మొక్కినది
(॥ఎవ్వతె॥)
వీడియు వీడని కొప్పు వేఁగున వీఁగుచు మాట -
లాడియు నాడక చెలినల్లన దూరినది
వాడియు వాడని తమ్మివంటిమోము గలది తాఁ
జూడక చూచిన వాలుఁజూపుల బిత్తరిది
(॥ఎవ్వతె॥)
జారియు జారని గుబ్బచన్నుల పయ్యెదది లో-
నారియు నారని కోపమైన మోహముది
పేరియుఁ బేరనికాఁక- బెచ్చువెరిగినది తాఁ
జేరియుఁ జేరక నీ చేరువ దాఁగినది
(॥ఎవ్వతె॥)
మాట లాడుచును మోవి మఱఁగు నేసినదొక-
పూఁటలోనె నీ కౌఁగిటి పొందులనుబ్బినది
యేఁటికిరా తిరువేంకటేశుఁడ బొంకఁగ నీ-
నాటకపు బ్రియముతో నన్నుఁ గలసితివి
(||pallavi||)
ĕvvadĕrā ninum̐jūsĕ nemani puttĕṁchĕ
puvvubaṁti ninu vesi pŏṁdusūbi mŏkkinadi
(||ĕvvadĕ||)
vīḍiyu vīḍani kŏppu vem̐guna vīm̐gusu māḍa -
lāḍiyu nāḍaga sĕlinallana dūrinadi
vāḍiyu vāḍani tammivaṁṭimomu galadi tām̐
jūḍaga sūsina vālum̐jūbula bittaridi
(||ĕvvadĕ||)
jāriyu jārani gubbasannula payyĕdadi lo-
nāriyu nārani kobamaina mohamudi
periyum̐ beranigām̐ka- bĕchchuvĕriginadi tām̐
jeriyum̐ jeraga nī seruva dām̐ginadi
(||ĕvvadĕ||)
māḍa lāḍusunu movi maṟam̐gu nesinadŏga-
pūm̐ṭalonĕ nī kaum̐giḍi pŏṁdulanubbinadi
yem̐ṭigirā tiruveṁkaḍeśhum̐ḍa bŏṁkam̐ga nī-
nāḍagabu briyamudo nannum̐ galasidivi