ఎట్టుసేయనైన నేర్చు నిందునందు నీతఁడు
(॥పల్లవి॥)
ఎట్టుసేయనైన నేర్చు నిందునందు నీతఁడు
నెట్టుకొన్న విద్యలెల్ల నేర్చుఁగాన యీతఁడు
(॥ఎట్టు॥)
పలుదెరఁగుల దొంతులైన పాలపెరుగుకుండలెల్లఁ
దొలఁగ దించి పాలుద్రాగి దొంతివేర్చె నీతఁడు
తొలఁగఁ దోసి జగములెల్లఁ దొల్లిటట్ల బహువిధముల
నెలవుకొలిపి దొంతివేర్చ నేర్చుఁగాన యీతఁడు
(॥ఎట్టు॥)
పాలమీఁగడెల్లఁ దిగిచి పలుదెరఁగులఁ దోడనాడు
బాలులైనవారికెల్లఁ బంచిపెట్టె నీతఁడు
మేలిమైన పాలజలధి మీఁగడఖిలదేవతలకు
నోలిఁబంచి పెట్టినట్టి యోగిగాన యీతఁడు
(॥ఎట్టు॥)
తలుపుదెరచి కన్నె మేలుకొలిపి విభుఁడు గానివానిఁ
నెలమిఁ గలపినట్టి వేంకటేశుఁడమ్మ యీతఁడు
తలఁపులోని నాగకన్నెఁ దెలిపి పరపురుషునిఁ గూడి
కలయఁ జేయనేర్చినట్టి ఘనుఁడు గాన యీతఁడు
(||pallavi||)
ĕṭṭuseyanaina nersu niṁdunaṁdu nīdam̐ḍu
nĕṭṭugŏnna vidyalĕlla nersum̐gāna yīdam̐ḍu
(||ĕṭṭu||)
paludĕram̐gula dŏṁtulaina pālabĕruguguṁḍalĕllam̐
dŏlam̐ga diṁchi pāludrāgi dŏṁtiversĕ nīdam̐ḍu
tŏlam̐gam̐ dosi jagamulĕllam̐ dŏlliḍaṭla bahuvidhamula
nĕlavugŏlibi dŏṁtiversa nersum̐gāna yīdam̐ḍu
(||ĕṭṭu||)
pālamīm̐gaḍĕllam̐ digisi paludĕram̐gulam̐ doḍanāḍu
bālulainavārigĕllam̐ baṁchibĕṭṭĕ nīdam̐ḍu
melimaina pālajaladhi mīm̐gaḍakhiladevadalagu
nolim̐baṁchi pĕṭṭinaṭṭi yogigāna yīdam̐ḍu
(||ĕṭṭu||)
talubudĕrasi kannĕ melugŏlibi vibhum̐ḍu gānivānim̐
nĕlamim̐ galabinaṭṭi veṁkaḍeśhum̐ḍamma yīdam̐ḍu
talam̐puloni nāgagannĕm̐ dĕlibi paraburuṣhunim̐ gūḍi
kalayam̐ jeyanersinaṭṭi ghanum̐ḍu gāna yīdam̐ḍu