(॥పల్లవి॥)
ఎట్టుచేసినఁ జేసె నేమి సేయఁగవచ్చు
చుట్టపువిరోధంబు సూనాస్త్రుచెలిమి
(॥ఎట్టు॥)
ఒడలిలోపలిరోగ మొనరఁ బరితాపంబు
కడుపులోపలిపుండు కడలేనియాస
తడిపాఁత మెడగోఁత తలఁపు విషయాసక్తి
గుడిమీఁదితరువు ఆలకులము ప్రాణలకు
(॥ఎట్టు॥)
నీడలోపల యెండ నెలకొన్న బంధంబు
గోడపై సున్నంబు కొదలేని యెఱుక
పాడూరిలో బ్రదుకు పాపకర్మపుబుద్ది
తాడుపై తపసు తమధనము ప్రాణులకు
(॥ఎట్టు॥)
మంటఁజేసిన బొమ్మమనికి సంసారంబు
రెంటికినిగాని వీరిడికొలువు బ్రదుకు
యింటివేలుపు వేంకటేశుఁ గొలువక పరుల-
వెంటఁ దిరుగుట వోడ విడిచి వదరిడుట
(||pallavi||)
ĕṭṭusesinam̐ jesĕ nemi seyam̐gavachchu
suṭṭabuvirodhaṁbu sūnāstrusĕlimi
(||ĕṭṭu||)
ŏḍalilobaliroga mŏnaram̐ baridābaṁbu
kaḍubulobalibuṁḍu kaḍaleniyāsa
taḍibām̐ta mĕḍagom̐ta talam̐pu viṣhayāsakti
guḍimīm̐didaruvu ālagulamu prāṇalagu
(||ĕṭṭu||)
nīḍalobala yĕṁḍa nĕlagŏnna baṁdhaṁbu
goḍabai sunnaṁbu kŏdaleni yĕṟuga
pāḍūrilo bradugu pābagarmabubuddi
tāḍubai tabasu tamadhanamu prāṇulagu
(||ĕṭṭu||)
maṁṭam̐jesina bŏmmamanigi saṁsāraṁbu
rĕṁṭiginigāni vīriḍigŏluvu bradugu
yiṁṭivelubu veṁkaḍeśhum̐ gŏluvaga parula-
vĕṁṭam̐ diruguḍa voḍa viḍisi vadariḍuḍa