ఎట్టుసేసినాఁ జేయుమిక నాతఁ డల్లవాడే
(॥పల్లవి॥)
ఎట్టుసేసినాఁ జేయుమిక నాతఁ డల్లవాడే
పట్టరాని వ్రతములో పానుపుపైనే
(॥ఎట్టు॥)
కప్పురపుమోవి నీవు కాంతునికిఁ జూపఁగాను
దప్పిదేరీ నాతఁడదే దవ్వులనుండే
చెప్పరానిచేఁతలు చేరి నీవు సేయఁగాను
చిప్పిలీ నీరతులను చిత్తములోనే
(॥ఎట్టు॥)
చన్నులఁ బయ్యద నీవు జారఁదోయఁగా నతఁడు
కన్నుల పండుగసేసీఁ గడనుండే
వెన్నెలనవ్వులు నీవు వెదచల్లఁగాఁ జూచి
మిన్నక మోముననెల్లా మించీని కళలు
(॥ఎట్టు॥)
చివ్వన దగ్గరి నీవు శ్రీ వేంకటేశుఁ గూడఁగా
జవ్వనాన ఫలమంది సరుసనుండె
రవ్వగా సరసము నీరపముగా నాడఁగాను
బువ్వపువిందులు చేత భోగించే నిపుడు
(||pallavi||)
ĕṭṭusesinām̐ jeyumiga nādam̐ ḍallavāḍe
paṭṭarāni vradamulo pānububaine
(||ĕṭṭu||)
kappurabumovi nīvu kāṁtunigim̐ jūbam̐gānu
dappiderī nādam̐ḍade davvulanuṁḍe
sĕpparānisem̐talu seri nīvu seyam̐gānu
sippilī nīradulanu sittamulone
(||ĕṭṭu||)
sannulam̐ bayyada nīvu jāram̐doyam̐gā nadam̐ḍu
kannula paṁḍugasesīm̐ gaḍanuṁḍe
vĕnnĕlanavvulu nīvu vĕdasallam̐gām̐ jūsi
minnaga momunanĕllā miṁchīni kaḽalu
(||ĕṭṭu||)
sivvana daggari nīvu śhrī veṁkaḍeśhum̐ gūḍam̐gā
javvanāna phalamaṁdi sarusanuṁḍĕ
ravvagā sarasamu nīrabamugā nāḍam̐gānu
buvvabuviṁdulu seda bhogiṁche nibuḍu