ఎట్టుండెనో నీభాగ్య మేనోము నోచెనో ఆకె
(॥పల్లవి॥)
ఎట్టుండెనో నీభాగ్య మేనోము నోచెనో ఆకె
గుట్టుతోనె నీవలపు కొల్లగొనెఁ గదరా
(॥ఎట్టుండెనో॥)
నీటున వయ్యాళి వోయి నీవురాగా నదె చెలి
కోటకొమ్మ నొరగుండి గొబ్బునఁ జూచి
గాఁటపుఁ జన్నులు గొంత గానరాఁగాఁ జూపి మోపి
మాటలాడి యాపె నీమనసు గరఁచెఁగా
(॥ఎట్టుండెనో॥)
యేనుగ పై నిలుచుండి యింతికిఁ జెయిచాఁచఁగాని
న్నానించి యెక్కించి తనఅండకుఁ దీసి
మేను మేను గాఁగిలించి మెచ్చి మెచ్చి తనయింటి
లోనికిఁ బిలించి నిన్ను లోలునిఁగాఁ జేసెఁగా
(॥ఎట్టుండెనో॥)
వాకిటికి నీవురాఁగా వనిత సన్నలుసేసి
చేకొని నన్నిటు గని శ్రీవెంకటేశ
యీకొలఁదులను మన మిద్దరముఁ గూడితిమి
నీకు నాకుఁ దాఁ జుట్టమై నేరుపున నవ్వెఁగా
(||pallavi||)
ĕṭṭuṁḍĕno nībhāgya menomu nosĕno āgĕ
guṭṭudonĕ nīvalabu kŏllagŏnĕm̐ gadarā
(||ĕṭṭuṁḍĕno||)
nīḍuna vayyāḽi voyi nīvurāgā nadĕ sĕli
koḍagŏmma nŏraguṁḍi gŏbbunam̐ jūsi
gām̐ṭabum̐ jannulu gŏṁta gānarām̐gām̐ jūbi mobi
māḍalāḍi yābĕ nīmanasu garam̐sĕm̐gā
(||ĕṭṭuṁḍĕno||)
yenuga pai nilusuṁḍi yiṁtigim̐ jĕyisām̐sam̐gāni
nnāniṁchi yĕkkiṁchi tanaaṁḍagum̐ dīsi
menu menu gām̐giliṁchi mĕchchi mĕchchi tanayiṁṭi
lonigim̐ biliṁchi ninnu lolunim̐gām̐ jesĕm̐gā
(||ĕṭṭuṁḍĕno||)
vāgiḍigi nīvurām̐gā vanida sannalusesi
segŏni nanniḍu gani śhrīvĕṁkaḍeśha
yīgŏlam̐dulanu mana middaramum̐ gūḍidimi
nīgu nāgum̐ dām̐ juṭṭamai nerubuna navvĕm̐gā