ఎట్టు వోరిచెనో కాని యింత దడవు
(॥పల్లవి॥)
ఎట్టు వోరిచెనో కాని యింత దడవు - అప్పు-
డట్టు నిట్టుఁ దల్లడించె నతఁడంతలోననే
(॥ఎట్టు॥)
అంటఁగాక వున్నదానవని యెఱుగక యాతఁ-
డింటికిట్టె రాఁగా నీవు నెదురువోయి
వొంటకున్నరీతి దవ్వులనున్న నినుఁ జూచి
అంటఁజేరి చిన్వఁబోయె నతఁడంతలోననే
(॥ఎట్టు॥)
వేడుక నాతఁడు రాఁగా వెనకవెనకకుఁ బోయి
తోడనే సిగ్గును నవ్వుఁ దొలఁకఁగాను
వీడి వీడని కొప్పు విసరుచుఁ దలయూఁచ-
నాడనే మూర్చవోయె నతఁడంత లోననే
(॥ఎట్టు॥)
చయ్యనఁ బన్నీటి మజ్జనమాడి నీవు నేఁడు
ఉయ్యాలమంచముమీఁద నుండఁగాను
నెయ్యపు వేంకటపతి నినుఁగూడి పరవశ-
మయ్యీనబ్బురముగ నతఁడంతలోననే
(||pallavi||)
ĕṭṭu vorisĕno kāni yiṁta daḍavu - appu-
ḍaṭṭu niṭṭum̐ dallaḍiṁchĕ nadam̐ḍaṁtalonane
(||ĕṭṭu||)
aṁṭam̐gāga vunnadānavani yĕṟugaga yādam̐-
ḍiṁṭigiṭṭĕ rām̐gā nīvu nĕduruvoyi
vŏṁṭagunnarīdi davvulanunna ninum̐ jūsi
aṁṭam̐jeri sinvam̐boyĕ nadam̐ḍaṁtalonane
(||ĕṭṭu||)
veḍuga nādam̐ḍu rām̐gā vĕnagavĕnagagum̐ boyi
toḍane siggunu navvum̐ dŏlam̐kam̐gānu
vīḍi vīḍani kŏppu visarusum̐ dalayūm̐sa-
nāḍane mūrsavoyĕ nadam̐ḍaṁta lonane
(||ĕṭṭu||)
sayyanam̐ bannīḍi majjanamāḍi nīvu nem̐ḍu
uyyālamaṁchamumīm̐da nuṁḍam̐gānu
nĕyyabu veṁkaḍabadi ninum̐gūḍi paravaśha-
mayyīnabburamuga nadam̐ḍaṁtalonane