ఎట్టు వలసినఁ జేయు మిన్నియు నీచిత్తమె
(॥పల్లవి॥)
ఎట్టు వలసినఁ జేయు మిన్నియు నీచిత్తమె
నెట్టన(నె?) నొకఁడనా నీవే యింతాను
(॥ఎట్టు॥)
వేవేలు నీకు విన్నవించేదేమి తొల్లే
సావధానముగ సర్వసాక్షివి నీవు
ఆవల నాకిటు సేయుమని చెప్పేదేమి నేను
దైవికమైనట్టి స్వతంత్రుఁడవు నీవు
(॥ఎట్టు॥)
తగిలి నిన్ను నాలో ధ్యానించేదేమి తొల్లె
జగతి నీవు పూర్ణచైతన్యుఁడవు
జిగి నీనామము నోరఁ జిక్కించి నుడిగేదేమి
మగుడి శబ్దాక్షరమంత్రరూపుఁడవు
(॥ఎట్టు॥)
చేవమీర సిరులఁ బూజించేదేమి నిన్ను
శ్రీవేంకటేశ నీవు శ్రీపతివి
దేవదేవ నిన్ను నీవే తేఁకువెల్లా నెంచుకొని
కావుము నీవొక్కఁడవే కరుణానిధివి
(||pallavi||)
ĕṭṭu valasinam̐ jeyu minniyu nīsittamĕ
nĕṭṭana(nĕ?) nŏgam̐ḍanā nīve yiṁtānu
(||ĕṭṭu||)
vevelu nīgu vinnaviṁchedemi tŏlle
sāvadhānamuga sarvasākṣhivi nīvu
āvala nāgiḍu seyumani sĕppedemi nenu
daivigamainaṭṭi svadaṁtrum̐ḍavu nīvu
(||ĕṭṭu||)
tagili ninnu nālo dhyāniṁchedemi tŏllĕ
jagadi nīvu pūrṇasaidanyum̐ḍavu
jigi nīnāmamu noram̐ jikkiṁchi nuḍigedemi
maguḍi śhabdākṣharamaṁtrarūbum̐ḍavu
(||ĕṭṭu||)
sevamīra sirulam̐ būjiṁchedemi ninnu
śhrīveṁkaḍeśha nīvu śhrībadivi
devadeva ninnu nīve tem̐kuvĕllā nĕṁchugŏni
kāvumu nīvŏkkam̐ḍave karuṇānidhivi