ఎట్టు సింగారింతమమ్మ యీ యింతిని
(॥పల్లవి॥)
ఎట్టు సింగారింతమమ్మ యీ యింతిని
ముట్టని సింగారము ముందు ముందె యమరే
(॥ఎట్టు॥)
పొలితి చంద్రవంకబొట్టు వెట్టఁ బోయి సంది
మలసే గోరొత్తు చూచి మాని నవ్వెను
కలిమిఁ జంద్రగావి గట్టఁబోయి అద్దములో
సొలపుఁ గన్నుల కావి చూచి నవ్వెను
(॥ఎట్టు॥)
అమరిన ముత్యాలహారములు వెట్టఁ బోయి
చెమటముత్యాలు చూచి చెలి నవ్వెను
కొమరె యరవిరులు కొప్పున ముడువఁ బోయి
తమిఁ బులక విరులు తాఁ జూచి కొంకెను
(॥ఎట్టు॥)
వీఁగుచుఁ బరిమళము వెలఁది వూయఁగఁ బోయి
కాఁగిటి వాసన చూచి కడు నవ్వెను
సోగల శ్రీవెంకటేశు సురతసింగారము
వాగమై యమరెఁ గాన వన్నెలెల్ల నమరే
(||pallavi||)
ĕṭṭu siṁgāriṁtamamma yī yiṁtini
muṭṭani siṁgāramu muṁdu muṁdĕ yamare
(||ĕṭṭu||)
pŏlidi saṁdravaṁkabŏṭṭu vĕṭṭam̐ boyi saṁdi
malase gorŏttu sūsi māni navvĕnu
kalimim̐ jaṁdragāvi gaṭṭam̐boyi addamulo
sŏlabum̐ gannula kāvi sūsi navvĕnu
(||ĕṭṭu||)
amarina mutyālahāramulu vĕṭṭam̐ boyi
sĕmaḍamutyālu sūsi sĕli navvĕnu
kŏmarĕ yaravirulu kŏppuna muḍuvam̐ boyi
tamim̐ bulaga virulu tām̐ jūsi kŏṁkĕnu
(||ĕṭṭu||)
vīm̐gusum̐ barimaḽamu vĕlam̐di vūyam̐gam̐ boyi
kām̐giḍi vāsana sūsi kaḍu navvĕnu
sogala śhrīvĕṁkaḍeśhu suradasiṁgāramu
vāgamai yamarĕm̐ gāna vannĕlĕlla namare