ఎట్టు సేయఁగలవాఁడవో యిఁక నీచేతిది నావునికి
(॥పల్లవి॥)
ఎట్టు సేయఁగలవాఁడవో యిఁక నీచేతిది నావునికి
నెట్టన నీదాఁసుడనైతిని నీచిత్తం బిఁకను
(॥ఎట్టు॥)
సారెకుఁ గొలువుసేతు చనవులు నీ విత్తువో యనుచు
నేరకున్నాఁ బాడుదును నీవు మెత్తువనుచు
వోరిచి వుపవాసములుండుదు నొగి దయదలంతువో యనుచు
చేరి వాకిలి గాచుకుండుదు చిత్తము రావలెననుచు
(॥ఎట్టు॥)
కమ్మటి నిచ్చకములు నెరపుదు కైవసము గావలె ననుచు
వుమ్మడి నీగుణాలు వొగడుదు వూరక మొగమోడుదు వనుచు
నెమ్మది మొక్కులు నే మొక్కుదు నేరములెంచక కాతువని
నమ్మి నిన్ను నేఁ బూజింతు నను నీ వీడేరింతువని
(॥ఎట్టు॥)
ఆసతో నిను భావింతు అన్నిట నన్నేలుదు వనుచు
వేసరక నీమంత్రము నడుగుదు వేగమే వరమొసఁగుదు వనుచు
రాసికి నెక్కఁగ శ్రీవేంకటేశా రక్షించితి విప్పుడు నన్ను
వాసితోడ నే నిన్నుఁ దగులుదును వదలక నాపాలఁ గలవనుచు
(||pallavi||)
ĕṭṭu seyam̐galavām̐ḍavo yim̐ka nīsedidi nāvunigi
nĕṭṭana nīdām̐suḍanaidini nīsittaṁ bim̐kanu
(||ĕṭṭu||)
sārĕgum̐ gŏluvusedu sanavulu nī vittuvo yanusu
neragunnām̐ bāḍudunu nīvu mĕttuvanusu
vorisi vubavāsamuluṁḍudu nŏgi dayadalaṁtuvo yanusu
seri vāgili gāsuguṁḍudu sittamu rāvalĕnanusu
(||ĕṭṭu||)
kammaḍi nichchagamulu nĕrabudu kaivasamu gāvalĕ nanusu
vummaḍi nīguṇālu vŏgaḍudu vūraga mŏgamoḍudu vanusu
nĕmmadi mŏkkulu ne mŏkkudu neramulĕṁchaga kāduvani
nammi ninnu nem̐ būjiṁtu nanu nī vīḍeriṁtuvani
(||ĕṭṭu||)
āsado ninu bhāviṁtu anniḍa nanneludu vanusu
vesaraga nīmaṁtramu naḍugudu vegame varamŏsam̐gudu vanusu
rāsigi nĕkkam̐ga śhrīveṁkaḍeśhā rakṣhiṁchidi vippuḍu nannu
vāsidoḍa ne ninnum̐ daguludunu vadalaga nābālam̐ galavanusu