(॥పల్లవి॥)
ఎట్టు దొరికెనె చెలియ యిద్దరికి నిటువంటి
పట్టనిలుపఁగరాని బరువైన వలపు
(॥ఎట్టు॥)
నిడివి తమకములచే నిట్టూర్పు లివె నీకు
అడియాస తమకంబు లాతనికిని
కడలేని వేదనల కన్నీళ్లివే నీకు
అడరుఁబరితాపంబు లాతనికిని
(॥ఎట్టు॥)
గుఱుతైన యతనిపై గోరాటలదె నీకు
అరుదైన ప్రియమాన మాతనికిని
పురిగొన్న విరహమునఁ బొరలాట లవె నీకు
అరమరపుఁ బరవశము లాతనికిని
(॥ఎట్టు॥)
ఎనసి యాతనిరాక కెదురుచూచుట నీకు
అనుకూలుఁడై కలయు టాతనికిని
అనయంబు తిరువేంకటాధీశుఁ డిడె నీకు
అనుభవన కెల్ల నీ వాతనికిని
(||pallavi||)
ĕṭṭu dŏrigĕnĕ sĕliya yiddarigi niḍuvaṁṭi
paṭṭanilubam̐garāni baruvaina valabu
(||ĕṭṭu||)
niḍivi tamagamulase niṭṭūrbu livĕ nīgu
aḍiyāsa tamagaṁbu lādanigini
kaḍaleni vedanala kannīḽlive nīgu
aḍarum̐baridābaṁbu lādanigini
(||ĕṭṭu||)
guṟudaina yadanibai gorāḍaladĕ nīgu
arudaina priyamāna mādanigini
purigŏnna virahamunam̐ bŏralāḍa lavĕ nīgu
aramarabum̐ baravaśhamu lādanigini
(||ĕṭṭu||)
ĕnasi yādanirāga kĕdurusūsuḍa nīgu
anugūlum̐ḍai kalayu ṭādanigini
anayaṁbu tiruveṁkaḍādhīśhum̐ ḍiḍĕ nīgu
anubhavana kĕlla nī vādanigini