ఎత్తూ నొరాఁ గల దిటువంటిది వలపు
(॥పల్లవి॥)
ఎత్తూ నొరాఁ గల దిటువంటిది వలపు
యిత్తరి గాఁకల వన్న(న్నె?) యించుకాఁ దియ్యదు
(॥ఎత్త॥)
మచ్చికతోడుతఁ దూఁగు మంచపుఁ దాసుమీఁద
నిచ్చ నిండ జవ్వనపు నీవొక్కచో
నిచ్చలపు గుణముల నే నొక్కచో నుండఁగాను
అచ్చముగా సరిఁ దూఁచె నతనుఁడే యిపుడు
(॥ఎత్త॥)
మించి చలువరాయనే మెచ్చుల వొరగంటిపై
నించినట్టి వేడుకల నీదేహము
దించని తమకపు నాదేహమూఁ బెనఁగఁగా
పొంచి సరిగా నొరసె పూవిలుతుఁ డిపుడు
(॥ఎత్త॥)
కలసె పూఁబానుపు మొగ్గుల గొప్పసళాకలు
నిలువున శ్రీవెంకటనాథ నీరతికి
కొలఁది మీరఁగ నేఁ గడిన సమరతికి
వలె నని వనె వెట్టీ వలరాయఁడిపుడు
(||pallavi||)
ĕttū nŏrām̐ gala diḍuvaṁṭidi valabu
yittari gām̐kala vanna(nnĕ?) yiṁchugām̐ diyyadu
(||ĕtta||)
machchigadoḍudam̐ dūm̐gu maṁchabum̐ dāsumīm̐da
nichcha niṁḍa javvanabu nīvŏkkaso
nichchalabu guṇamula ne nŏkkaso nuṁḍam̐gānu
achchamugā sarim̐ dūm̐sĕ nadanum̐ḍe yibuḍu
(||ĕtta||)
miṁchi saluvarāyane mĕchchula vŏragaṁṭibai
niṁchinaṭṭi veḍugala nīdehamu
diṁchani tamagabu nādehamūm̐ bĕnam̐gam̐gā
pŏṁchi sarigā nŏrasĕ pūviludum̐ ḍibuḍu
(||ĕtta||)
kalasĕ pūm̐bānubu mŏggula gŏppasaḽāgalu
niluvuna śhrīvĕṁkaḍanātha nīradigi
kŏlam̐di mīram̐ga nem̐ gaḍina samaradigi
valĕ nani vanĕ vĕṭṭī valarāyam̐ḍibuḍu