ఎట్టి హితోపదేశకుఁ డెటువంటి దయాళువు
(॥పల్లవి॥)
ఎట్టి హితోపదేశకుఁ డెటువంటి దయాళువు
అట్టె తాళ్లపాకన్నమాచార్యులు
(॥ఎట్టి॥)
పచ్చితామసుల మమ్ముఁ బరమసాత్వికులఁగా
యిచ్చటనె సేసినాఁడు యెంతచిత్తము
యిచ్చగించి మాకులాన నెన్నఁడులేనివైష్ణవ
మచ్చముగాఁ గృపసేసె నన్నమాచార్యుఁడు
(॥ఎట్టి॥)
ముదిరిన పాపకర్మములు సేసినట్టి మమ్ము
యెదుటఁ బుణ్యులఁ జేసె నెంతసోద్యము
కదిసి యేజన్మానఁ గాననిసంకీర్తన
మదన నుపదేశించె నన్నమాచార్యుడు
(॥ఎట్టి॥)
గడుసుఁదనపు మమ్ముఁ గడు వివేకులఁ జేసి
యిడుమలెల్లాఁ బాప నేమరుదు
నడుమనె యెన్నఁడుఁ గానని శ్రీవెంకటనాథు
నడియాలముగ నిచ్చె నన్నమాచార్యుఁడు
(||pallavi||)
ĕṭṭi hidobadeśhagum̐ ḍĕḍuvaṁṭi dayāḽuvu
aṭṭĕ tāḽlabāgannamāsāryulu
(||ĕṭṭi||)
pachchidāmasula mammum̐ baramasātvigulam̐gā
yichchaḍanĕ sesinām̐ḍu yĕṁtasittamu
yichchagiṁchi māgulāna nĕnnam̐ḍulenivaiṣhṇava
machchamugām̐ gṛpasesĕ nannamāsāryum̐ḍu
(||ĕṭṭi||)
mudirina pābagarmamulu sesinaṭṭi mammu
yĕduḍam̐ buṇyulam̐ jesĕ nĕṁtasodyamu
kadisi yejanmānam̐ gānanisaṁkīrdana
madana nubadeśhiṁchĕ nannamāsāryuḍu
(||ĕṭṭi||)
gaḍusum̐danabu mammum̐ gaḍu vivegulam̐ jesi
yiḍumalĕllām̐ bāba nemarudu
naḍumanĕ yĕnnam̐ḍum̐ gānani śhrīvĕṁkaḍanāthu
naḍiyālamuga nichchĕ nannamāsāryum̐ḍu