ఎత్తరే ఆరతులు యియ్యరే కానుకలు
(॥పల్లవి॥)
ఎత్తరే ఆరతులు యియ్యరే కానుకలు
యిత్తల నేఁగి వచ్చీని యిందిరానాథుఁడు
(॥ఎత్త॥)
గరుడధ్వజపు తేరు కనకమయపు తేరు
సిరులతో వేదములచేరుల తేరు
సురలు మునులుఁ బట్టి సొంపుతోడఁ దియ్యఁగాను
యిరవుగ నేఁగివచ్చీ నిందిరానాధుఁడు
(॥ఎత్త॥)
జీవకోట్లున్న తేరు శేషుఁడే రూపైన తేరు
వేవేలు సింగారముల వెలయు తేరు
మూవరుస నిత్యులును ముక్తులును గొలువఁగా
యీవల నేఁగివచ్చీ నిందిరానాథుఁడు
(॥ఎత్త॥)
పంచభూతముల తేరు బ్రహ్మాండమైన తేరు
మించిన శ్రీవేంకటాద్రి మీఁదటి తేరు
కొంచక యలమేల్మంగఁ గూడి వచ్చీ నదె తేరు
యెంచరాని మహిమల నిందిరానాథుఁడు
(||pallavi||)
ĕttare āradulu yiyyare kānugalu
yittala nem̐gi vachchīni yiṁdirānāthum̐ḍu
(||ĕtta||)
garuḍadhvajabu teru kanagamayabu teru
sirulado vedamulaserula teru
suralu munulum̐ baṭṭi sŏṁpudoḍam̐ diyyam̐gānu
yiravuga nem̐givachchī niṁdirānādhum̐ḍu
(||ĕtta||)
jīvagoṭlunna teru śheṣhum̐ḍe rūbaina teru
vevelu siṁgāramula vĕlayu teru
mūvarusa nityulunu muktulunu gŏluvam̐gā
yīvala nem̐givachchī niṁdirānāthum̐ḍu
(||ĕtta||)
paṁchabhūdamula teru brahmāṁḍamaina teru
miṁchina śhrīveṁkaḍādri mīm̐daḍi teru
kŏṁchaga yalamelmaṁgam̐ gūḍi vachchī nadĕ teru
yĕṁcharāni mahimala niṁdirānāthum̐ḍu