(॥పల్లవి॥)
ఎత్తరే ఆరతు లీపె కింతులాల
హత్తెను శ్రీవేంకటేశు కలమేలుమంగ
(॥ఎత్త॥)
హరి వురముపై సొమ్ము అరతఁగట్టినతాళి
సరిలేని దేవుని సంసారఫలము
సిరులకుఁ బుట్టినిల్లు సింగారములవిత్తు
మెరుఁగుఁబోడి యలమేలుమంగ
(॥ఎత్త॥)
పరమాత్మునికి నాత్మభావములో కీలుబొమ్మ
కెరలుచునితఁడు భోగించే మేడ
సరసపు సముద్రము సతమైన కొంగుపైఁడి
అరిదిసంపదలది యలమేలుమంగ
(॥ఎత్త॥)
శ్రీవేంకటేశుని దేవి చిత్తజునిఁ గన్నతల్లి
యీ విభుఁని కాఁగిటిలో యేచిన కళ
బూవపు పెండ్లిమేలు పొందిన నిధానము
ఆవల నీవల నీపె యలమేలుమంగ
(||pallavi||)
ĕttare āradu lībĕ kiṁtulāla
hattĕnu śhrīveṁkaḍeśhu kalamelumaṁga
(||ĕtta||)
hari vuramubai sŏmmu aradam̐gaṭṭinadāḽi
sarileni devuni saṁsāraphalamu
sirulagum̐ buṭṭinillu siṁgāramulavittu
mĕrum̐gum̐boḍi yalamelumaṁga
(||ĕtta||)
paramātmunigi nātmabhāvamulo kīlubŏmma
kĕralusunidam̐ḍu bhogiṁche meḍa
sarasabu samudramu sadamaina kŏṁgubaim̐ḍi
aridisaṁpadaladi yalamelumaṁga
(||ĕtta||)
śhrīveṁkaḍeśhuni devi sittajunim̐ gannadalli
yī vibhum̐ni kām̐giḍilo yesina kaḽa
būvabu pĕṁḍlimelu pŏṁdina nidhānamu
āvala nīvala nībĕ yalamelumaṁga