ఎట్టైనాఁ గావకపోదు యే నెంత సేసినాను
(॥పల్లవి॥)
ఎట్టైనాఁ గావకపోదు యే నెంత సేసినాను
యిట్టే నీకు శరణంటి నిదియే తెరఁగు
(॥ఎట్టై॥)
చేకొని నే మొక్కఁగాను చేతులు గోయఁగరాదు
ఆకడఁ దప్పుకుఁ దగినాజ్ఞ మానరాదు
కైకొని యపరాధాలే కావించితి నెన్నైనా
యీకడ నీశరణంటి నిఁకనో తెరఁగు
(॥ఎట్టై॥)
చిక్కి దైన్యపడఁగాను చెలఁగి ఖండించరాదు
చక్కఁగా నాద్రోహాలు సైరించరాదు
అక్కడఁ జూచిన శరణాగతబిరుదు నీకు
యిక్కడ నీశరణంటి నిఁకనో తెరఁగు
(॥ఎట్టై॥)
సేవసేయుచుండఁగాను జీతము మానుపరాదు
యీవిధి నాన దోసితే నిందుకోరాదు
దేవుఁడ నిన్నుఁ గొలిచి తెగి కర్మా లుడిగితి
యీవల శ్రీవేంకటేశ ఇఁకనో తెరఁగు
(||pallavi||)
ĕṭṭainām̐ gāvagabodu ye nĕṁta sesinānu
yiṭṭe nīgu śharaṇaṁṭi nidiye tĕram̐gu
(||ĕṭṭai||)
segŏni ne mŏkkam̐gānu sedulu goyam̐garādu
āgaḍam̐ dappugum̐ daginājña mānarādu
kaigŏni yabarādhāle kāviṁchidi nĕnnainā
yīgaḍa nīśharaṇaṁṭi nim̐kano tĕram̐gu
(||ĕṭṭai||)
sikki dainyabaḍam̐gānu sĕlam̐gi khaṁḍiṁcharādu
sakkam̐gā nādrohālu sairiṁcharādu
akkaḍam̐ jūsina śharaṇāgadabirudu nīgu
yikkaḍa nīśharaṇaṁṭi nim̐kano tĕram̐gu
(||ĕṭṭai||)
sevaseyusuṁḍam̐gānu jīdamu mānubarādu
yīvidhi nāna doside niṁdugorādu
devum̐ḍa ninnum̐ gŏlisi tĕgi karmā luḍigidi
yīvala śhrīveṁkaḍeśha im̐kano tĕram̐gu