(॥పల్లవి॥)
ఎఱుఁగుదు మిదే నీ యేతు లెల్లా
తెఱవల నిటు దినదినము నేఁచేవు
(॥ఎఱు॥)
చూపులనే తనిపేవు సొలపు లాడేవు
తీపులం గ్రిందుపడేవు తేలించేవు
ఆపనికి బెట్టుగా న న్నదలించేవు
మాపటి చేఁతలకే మచ్చిక చల్లేవు
(॥ఎఱు॥)
అడుగరాని దడిగే వాసలు సేసేవు
మడుగులు గలంచేటి మాట లాడేవు
అడరి రాయి గరంగ నలపు చూపేవు
వడి నందనిపనికి వలపు చల్లేవు
(॥ఎఱు॥)
చీర వెలిగా నవ్వేవు సిగ్గు విడిచేవు
మోర నిడుపు చేసుక మూఁతులు నాఁకేవు
చేరి చెఱంగు వట్టేవు శ్రీవేంకటేశుండా
సారెకు నిట్టే కూడేవు చనువు లిచ్చేవు
(||pallavi||)
ĕṟum̐gudu mide nī yedu lĕllā
tĕṟavala niḍu dinadinamu nem̐sevu
(||ĕṟu||)
sūbulane tanibevu sŏlabu lāḍevu
tībulaṁ griṁdubaḍevu teliṁchevu
ābanigi bĕṭṭugā na nnadaliṁchevu
mābaḍi sem̐talage machchiga sallevu
(||ĕṟu||)
aḍugarāni daḍige vāsalu sesevu
maḍugulu galaṁcheḍi māḍa lāḍevu
aḍari rāyi garaṁga nalabu sūbevu
vaḍi naṁdanibanigi valabu sallevu
(||ĕṟu||)
sīra vĕligā navvevu siggu viḍisevu
mora niḍubu sesuga mūm̐tulu nām̐kevu
seri sĕṟaṁgu vaṭṭevu śhrīveṁkaḍeśhuṁḍā
sārĕgu niṭṭe kūḍevu sanuvu lichchevu