(॥పల్లవి॥)
ఎఱుఁగుటకంటే నెఱఁగమే మేలు
మఱి తెలివికంటే మఱుపే శుభము
(॥ఎఱుఁ॥)
లంపటా లెఱఁగము లవలవ లెఱఁగము
పంపుల బాల్యమే పరిణామము
యింపులు నెఱఁగము యెగ్గులు నెఱఁగము
జంపుల నిదురే సకలసౌఖ్యము
(॥ఎఱుఁ॥)
ఆస లివెఱఁగము అలమట లెఱఁగము
మూసిన గర్భమే మును సుఖము
వాసులు నెఱఁగము వంతులు నెఱఁగము
వేసట పుట్టని విధమే సుఖము
(॥ఎఱుఁ॥)
పాపము లెఱఁగము బంధము లెఱఁగము
శ్రీపతి దాస్యమే శేఖరము
యేపున శ్రీవేంకటేశ్వరు శరణమే
తీపులు మఱపేటి దివ్యానందము
(||pallavi||)
ĕṟum̐guḍagaṁṭe nĕṟam̐game melu
maṟi tĕlivigaṁṭe maṟube śhubhamu
(||ĕṟum̐||)
laṁpaḍā lĕṟam̐gamu lavalava lĕṟam̐gamu
paṁpula bālyame pariṇāmamu
yiṁpulu nĕṟam̐gamu yĕggulu nĕṟam̐gamu
jaṁpula nidure sagalasaukhyamu
(||ĕṟum̐||)
āsa livĕṟam̐gamu alamaḍa lĕṟam̐gamu
mūsina garbhame munu sukhamu
vāsulu nĕṟam̐gamu vaṁtulu nĕṟam̐gamu
vesaḍa puṭṭani vidhame sukhamu
(||ĕṟum̐||)
pābamu lĕṟam̐gamu baṁdhamu lĕṟam̐gamu
śhrībadi dāsyame śhekharamu
yebuna śhrīveṁkaḍeśhvaru śharaṇame
tībulu maṟabeḍi divyānaṁdamu