ఎఱుక గలిగితేను యీతఁడె దిక్కు
(॥పల్లవి॥)
ఎఱుక గలిగితేను యీతఁడె దిక్కు
మఱి నిమిష మీతని మాని వుండఁదగునా
(॥ఎఱు॥)
యెవ్వరిసొమ్ముగుడిచి యెవ్వరిగుఱ్ఱాలవెంట
కొవ్వుదీరఁ బారాడి కొలిచేది
యివ్వలఁ బుట్టించి పెంచి యేలిన దేవుఁ డుండఁగా
ఆవ్వ లివ్వలివారిని ఆసపడఁ దగునా
(॥ఎఱు॥)
తా నెవ్వరికి బుట్టి తలఁకక వూరివారి
నానందాన అయ్య లమ్మ లనుకొనేది
పానిపట్టి సర్వవిధబంధుఁడు విష్ణఁడుండఁగా
మానిసిచుట్టరికాలు మరుగగ జెల్లునా
(॥ఎఱు॥)
యెందువంకనో యీదేహి యేమిటినో పొగడుచు
విందువలె నెవ్వరిని వెఱ్ఱిఁజేసేది
కందువైన శ్రీవెంకటనాథుఁడు గావఁగా
సందుసుడి కోరికల సటఁ బడఁ జెల్లునా
(||pallavi||)
ĕṟuga galigidenu yīdam̐ḍĕ dikku
maṟi nimiṣha mīdani māni vuṁḍam̐dagunā
(||ĕṟu||)
yĕvvarisŏmmuguḍisi yĕvvariguṭrālavĕṁṭa
kŏvvudīram̐ bārāḍi kŏlisedi
yivvalam̐ buṭṭiṁchi pĕṁchi yelina devum̐ ḍuṁḍam̐gā
āvva livvalivārini āsabaḍam̐ dagunā
(||ĕṟu||)
tā nĕvvarigi buṭṭi talam̐kaga vūrivāri
nānaṁdāna ayya lamma lanugŏnedi
pānibaṭṭi sarvavidhabaṁdhum̐ḍu viṣhṇam̐ḍuṁḍam̐gā
mānisisuṭṭarigālu marugaga jĕllunā
(||ĕṟu||)
yĕṁduvaṁkano yīdehi yemiḍino pŏgaḍusu
viṁduvalĕ nĕvvarini vĕṭrim̐jesedi
kaṁduvaina śhrīvĕṁkaḍanāthum̐ḍu gāvam̐gā
saṁdusuḍi korigala saḍam̐ baḍam̐ jĕllunā