(॥పల్లవి॥)
ఎరవా నీవు నాకు యిందుకే కాక
సరవితో నుండనా యీ చలాలకే కాక
(॥ఎరవా॥)
పంతమా నే నీకు బాగాలిచ్చేయందుకు
అంతలో నీవాపెకిచ్చేవని కాక
చెంతల నీకేమి సేవ చేసినాను దోసమా
కొంత నీతోఁగూడి యాపె కూచుండఁగాఁగాక
(॥ఎరవా॥)
నలువంక నేనీతో నవ్వకుండేదాననా
సొలసి యాపె యీదిక్కు చూడఁగాఁ గాక
మలసి యప్పటి నీతో మాటాడఁ దగదా
వెలయ నీవద్దనాపె వినఁగాఁ గాక
(॥ఎరవా॥)
యేమాయ నీపాదములిటు నేము పిసికితే
దోమటినాపెకాలు దొక్కఁగాఁ గాక
నేమాన శ్రీ వేంకటేశ నీవు నన్నుఁ గూడితివి
మోముచూతునా యాపెను మొక్కించఁగాఁ గాక
(||pallavi||)
ĕravā nīvu nāgu yiṁduge kāga
saravido nuṁḍanā yī salālage kāga
(||ĕravā||)
paṁtamā ne nīgu bāgālichcheyaṁdugu
aṁtalo nīvābĕgichchevani kāga
sĕṁtala nīgemi seva sesinānu dosamā
kŏṁta nīdom̐gūḍi yābĕ kūsuṁḍam̐gām̐gāga
(||ĕravā||)
naluvaṁka nenīdo navvaguṁḍedānanā
sŏlasi yābĕ yīdikku sūḍam̐gām̐ gāga
malasi yappaḍi nīdo māḍāḍam̐ dagadā
vĕlaya nīvaddanābĕ vinam̐gām̐ gāga
(||ĕravā||)
yemāya nībādamuliḍu nemu pisigide
domaḍinābĕgālu dŏkkam̐gām̐ gāga
nemāna śhrī veṁkaḍeśha nīvu nannum̐ gūḍidivi
momusūdunā yābĕnu mŏkkiṁcham̐gām̐ gāga