ఎరఁగను కపటాలు యెరిఁగి మరతురా
(॥పల్లవి॥)
ఎరఁగను కపటాలు యెరిఁగి మరతురా
చిరుత పాయముదాన చిత్తము నీకెట్టిదో
(॥ఎరఁగ॥)
మలసి కోపింతుఁగాని మాటాడకుండలేరా
అలసి జంకింతుఁగాని అలుగలేరా
తలఁపె తెగుదు గాని దగ్గరకుండఁగలేరా
సిలుగు నామోహమిది చిత్తము నీకెట్టిదో
(॥ఎరఁగ॥)
నేరములె యెంతుఁగాని నిన్ను మెచ్చకుండలేరా
దూరి పలుకుదుఁగాని తొలఁగలేరా
ఆరసి మొక్కుదుఁగాని అవ్వలిమోము గాలేరా
చేరిన నాభావమిది చిత్తము నీకెట్టిదో
(॥ఎరఁగ॥)
పచ్చిగా నవ్వుదుఁగాని పంతమియ్యకుండలేరా
గచ్చుల నీవంటితే నే కాదనలేరా
నిచ్చలు శ్రీవేంకటేశ నిన్నుఁ గూడితినిదే
చెచ్చెర నాగుణమిది చిత్తము నీకెట్టిదో
(||pallavi||)
ĕram̐ganu kabaḍālu yĕrim̐gi maradurā
siruda pāyamudāna sittamu nīgĕṭṭido
(||ĕram̐ga||)
malasi kobiṁtum̐gāni māḍāḍaguṁḍalerā
alasi jaṁkiṁtum̐gāni alugalerā
talam̐pĕ tĕgudu gāni daggaraguṁḍam̐galerā
silugu nāmohamidi sittamu nīgĕṭṭido
(||ĕram̐ga||)
neramulĕ yĕṁtum̐gāni ninnu mĕchchaguṁḍalerā
dūri palugudum̐gāni tŏlam̐galerā
ārasi mŏkkudum̐gāni avvalimomu gālerā
serina nābhāvamidi sittamu nīgĕṭṭido
(||ĕram̐ga||)
pachchigā navvudum̐gāni paṁtamiyyaguṁḍalerā
gachchula nīvaṁṭide ne kādanalerā
nichchalu śhrīveṁkaḍeśha ninnum̐ gūḍidinide
sĕchchĕra nāguṇamidi sittamu nīgĕṭṭido