ఎప్పుడూను నీ సుద్దులిటువంటివి
(॥పల్లవి॥)
ఎప్పుడూను నీ సుద్దులిటువంటివి
గుప్పి సముద్రములోనే కురియించేవు వాన
(॥ఎప్పు॥)
కానికె దెచ్చినయాపె కాచుకిట్టే వుండఁగాను
వూని వీఁగేయాపెనేల వొడివట్టేవు
ఆని దప్పిగొంటినన్న యాపెనటువెట్టి నీళ్ళ
నానుచున్నయాపెకేల పానకమిచ్చేవు
(॥ఎప్పు॥)
పెండిలికి వచ్చినాపె పెరట విడిశుండఁగా
చండి పొరుగాపెనేల సన్నసేసేవు
అండ నాఁకలిగొన్నాపె అట్టెమోముచూడగాను
నిండఁదనిసినాపెకు నీవువిందు వెట్టేవు
(॥ఎప్పు॥)
వొద్ది యలమేలుమంగనురమునఁ బెట్టుకొని
గద్దించి కడవారిపై కాలుచాఁచేవు
కొద్దితో శ్రీ వెంకటేశ కూడినాపె వుండఁగగాను
అద్ది పిల్చినాపెకేల ఆసలు నించేవు
(||pallavi||)
ĕppuḍūnu nī sudduliḍuvaṁṭivi
guppi samudramulone kuriyiṁchevu vāna
(||ĕppu||)
kānigĕ dĕchchinayābĕ kāsugiṭṭe vuṁḍam̐gānu
vūni vīm̐geyābĕnela vŏḍivaṭṭevu
āni dappigŏṁṭinanna yābĕnaḍuvĕṭṭi nīḽḽa
nānusunnayābĕgela pānagamichchevu
(||ĕppu||)
pĕṁḍiligi vachchinābĕ pĕraḍa viḍiśhuṁḍam̐gā
saṁḍi pŏrugābĕnela sannasesevu
aṁḍa nām̐kaligŏnnābĕ aṭṭĕmomusūḍagānu
niṁḍam̐danisinābĕgu nīvuviṁdu vĕṭṭevu
(||ĕppu||)
vŏddi yalamelumaṁganuramunam̐ bĕṭṭugŏni
gaddiṁchi kaḍavāribai kālusām̐sevu
kŏddido śhrī vĕṁkaḍeśha kūḍinābĕ vuṁḍam̐gagānu
addi pilsinābĕgela āsalu niṁchevu