നെയ്യാമ്പല്‍പ്പൂവാണോ മൃദുഹാസമാണോ
പ്രിയസഖി, നീ മധുമാസമാണോ?
ചാഞ്ചാടും മീനാണോ തിരനോട്ടമാണോ
മാരന്റെ തിരനോട്ടമാണോ?
(നെയ്യാമ്പല്‍...)
തെന്നലില്‍ ഒരു തേന്‍‌കണം
മാനസത്തില്‍ മധുവിന്റെ സാഗരം
തോഴീ, മനസ്സിന്‍ മോഹം
നിന്നെത്തേടി പാടി പ്രേമഗാനം
കരിമിഴിയില്‍ കനവോ
നറുമൊഴിയില്‍ കുളിരോ
മധുരസമോ - പറയൂ കളവാണീ
(നെയ്യാമ്പല്‍...)
രാഗവും അനുരാഗവും
ഒന്നായപ്പോള്‍ മണ്ണും വിണ്ണിന്‍ പൂവനി
മന്ദം ഹൃദന്തം ചൊല്ലി
നീയും ഞാനും ഒന്നായ്‌ത്തീര്‍ന്നുവല്ലോ
നിറമെഴുമെന്‍ നിനവില്‍
മലരണിയും വനിയില്‍
കതിരൊളിയോ - പറയൂ പ്രിയതോഴാ
(നെയ്യാമ്പല്‍...)
