ఎన్నిచేఁత లెన్నిగుణా లెన్నిభావాలు
(॥పల్లవి॥)
ఎన్నిచేఁత లెన్నిగుణా లెన్నిభావాలు
యిన్నేసి నీ మహిమ లివి నీకె తెలుసు
(॥ఎన్ని॥)
యేమిలీలలు నటించే వేమయ్యా దేవుఁడా
భూమిలో జీవుల నెల్లఁ బుట్టింపుచు
ప్రేమతో నాటలాడేపిన్న వాఁడఁవూఁ గావు
నీమహిమ లిన్నయూ నీకె తెలుసు
(॥ఎన్ని॥)
యెంతని పరఁదుకొనే విందిరానాథుఁడా
అంతరంగములనుండె అందరిలోన
వింతలు లేవు నీకు వెఱ్ఱివాఁడవూఁ గావు
యింతేసి విచారాలు యివి నీకె తెలుసు
(॥ఎన్ని॥)
చెలఁగి వరాలిచ్చేవు శ్రీవెంకటనాథుఁడా
తలఁకక నిన్నుఁ గొల్చే దాసులకు
అలరి నీవై తేను ఆశకుండవూఁ గావు
నెలవైన నీసుద్దులు నీకె తెలుసు
(||pallavi||)
ĕnnisem̐ta lĕnniguṇā lĕnnibhāvālu
yinnesi nī mahima livi nīgĕ tĕlusu
(||ĕnni||)
yemilīlalu naḍiṁche vemayyā devum̐ḍā
bhūmilo jīvula nĕllam̐ buṭṭiṁpusu
premado nāḍalāḍebinna vām̐ḍam̐vūm̐ gāvu
nīmahima linnayū nīgĕ tĕlusu
(||ĕnni||)
yĕṁtani param̐dugŏne viṁdirānāthum̐ḍā
aṁtaraṁgamulanuṁḍĕ aṁdarilona
viṁtalu levu nīgu vĕṭrivām̐ḍavūm̐ gāvu
yiṁtesi visārālu yivi nīgĕ tĕlusu
(||ĕnni||)
sĕlam̐gi varālichchevu śhrīvĕṁkaḍanāthum̐ḍā
talam̐kaga ninnum̐ gŏlse dāsulagu
alari nīvai tenu āśhaguṁḍavūm̐ gāvu
nĕlavaina nīsuddulu nīgĕ tĕlusu