ఎన్నిమహిమలవాఁడె యీ దేవుఁడు
(॥పల్లవి॥)
ఎన్నిమహిమలవాఁడె యీ దేవుఁడు
కన్నులపండువులెల్లాఁ గదిసినట్టుండెను
(॥ఎన్ని॥)
పోలింప కర్పూరకాపు పురుషోత్తమునికి
యేలీల నుండెనని యెంచి చూచితే
పాలజలనిధిలోనఁ బవళింపగా మేన
మేలిమిమీఁగఁడంటిన మెలుపుతో నుండెను
(॥ఎన్ని॥)
తట్టుపునుఁగు కాపు దైవశిఖామణికి
యెట్టుండెనని మరి నెంచి చూచితే
చిట్టకాన రేపల్లెలో చీఁకటితప్పు సేయఁగా
అట్టె రాత్రులు మేననంటి నట్టుండెను
(॥ఎన్ని॥)
అలమేలుమంగతోడ నట్టె సొమ్ము ధరించఁగ
యెలమి శ్రీవేంకటేశునెంచి చూచితే
కలిమిగలయీకాంతకాఁగిటఁ బెనఁగఁగాను
నిలువెల్లా సిరులై నిండినట్టుండెను
(||pallavi||)
ĕnnimahimalavām̐ḍĕ yī devum̐ḍu
kannulabaṁḍuvulĕllām̐ gadisinaṭṭuṁḍĕnu
(||ĕnni||)
poliṁpa karbūragābu puruṣhottamunigi
yelīla nuṁḍĕnani yĕṁchi sūside
pālajalanidhilonam̐ bavaḽiṁpagā mena
melimimīm̐gam̐ḍaṁṭina mĕlubudo nuṁḍĕnu
(||ĕnni||)
taṭṭubunum̐gu kābu daivaśhikhāmaṇigi
yĕṭṭuṁḍĕnani mari nĕṁchi sūside
siṭṭagāna reballĕlo sīm̐kaḍidappu seyam̐gā
aṭṭĕ rātrulu menanaṁṭi naṭṭuṁḍĕnu
(||ĕnni||)
alamelumaṁgadoḍa naṭṭĕ sŏmmu dhariṁcham̐ga
yĕlami śhrīveṁkaḍeśhunĕṁchi sūside
kalimigalayīgāṁtagām̐giḍam̐ bĕnam̐gam̐gānu
niluvĕllā sirulai niṁḍinaṭṭuṁḍĕnu